web counter
LEXO PA REKLAMA!

SHKARKO APP

App Store
Google Play

Skandali-Rama emëroi Beqajn, Shqipëria mbetet pa kryenegociator me BE-në

18 Nëntor 2023, 13:22, Aktualitet CNA
Skandali-Rama emëroi Beqajn, Shqipëria mbetet pa kryenegociator me
Ilir Beqaj dhe Edi Rama

Pak javë më parë, kryeministri Edi Rama emëroi ish ministrin e Shëndetësisë Ilir Beqajn, në krye të grupit negociator të Shqipërisë me BE-në. 

Ky veprim i Ramës erdhi pas hetimeve që SPAK po kryente në lidhje me aferën e koncesionit të sterilizimit, ku Beqaj ishte i implikuar dhe ku u arrestuan ish zëvendësministri Rrjepaj dhe biznesmeni Rrapaj.

Vendimi u mor pas disa ndryshimeve në kupolën drejtuese të përbërjes së grupit negociator për negociatat e aderimit të Shqipërisë në Bashkimin Evropian, teksa Romina Kuko, zëvendësministre e Brendshme, u zëvendësua nga Beqaj.

Por skandali vijon.

Sot Shqipëria ka mbetur pa kryenegociator me BE-në pasi SPAK i ka caktuar ish ministrit Beqaj masën e detyrimit me paraqitje dhe ndalimin e daljes jashtë vendit.

Me kërkesë të SPAK, GJKKO i ka ndaluar udhëtimet jashtë shtetit që do të thotë se Ilir Beqaj nuk do të mund të udhëheqë me negociatat me BE dhe në institucionet e BE-së apo në Shqipëri, apo të shkojë në institucionet ndërkombëtare.

Sipas njoftimi të dhënë nga Prokuroria e Posaçme ish ministri Beqaj dyshohet se ka shpërdoruar detyrën.

SPAK urdhëron Beqajn që të paraqitet para policisë gjyqësore të Byrosë Kombëtare të Hetimit, një herë në javë, ditë të premte, ora 15.30.

Po ashtu e ndalon të  largohet nga territori i Republikës së Shqipërisë pa autorizimin e gjykatës.

Gjithashtu ish ministrit i është ndaluar përdorimi i pasaportës dhe mjeteve të tjera identifikuese të vlefshme për daljen jashtë shtetit.

Vendimi për caktimin e masës së sigurimit personal është ekzekutuar nga Byroja Kombëtare e Hetimit dhe Drejtoria e Përgjithshme e Policisë së Shtetit në datën 17.11.2023./ CNA

 





Lajmet e fundit nga