LEXO PA REKLAMA!

SHKARKO APP

Ilir Beqaj paraqitet në SPAK/ Shoqërohet nga avokati

20 Nëntor 2023, 12:45, Politikë CNA

Ilir Beqaj paraqitet në SPAK/ Shoqërohet nga avokati

Ish-ministri i Shëndetësisë, Ilir Beqaj, është paraqitur këtë të hënë në Gjykatën e Posaçme.

Ai është shoqëruar nga avokati mbrojtës, Ermal Yzeiri.

Ndaj ish-ministrit janë vendosur masat "detyrim paraqitje" dhe "ndalim i daljes jashtë shtetit", për akuzën "shpërdorim detyre". Beqaj është nën hetim për koncesionin e sterilizimit të pajisjeve kirurgjikale.

Të shtunën atij iu komunikua masa e sigurisë, ndërsa sot do të merret në pyetje nga trupi gjykues për sterilizimin.

Për këtë çështje janë arrestuar ish-zv.ministri i Shëndetësisë, Klodjan Rrjepaj dhe biznesmeni Ilir Rrapaj. Ata janë nën hetim për "shpërdorim detyre" e "falsifikim dokumentesh". Të dy ndodhen në qeli ndërsa gjykata u ka rrëzuar kërkesën për liri.

Më herët, në gusht të këtij viti, Gjykata e Posaçme i kërkoi prokurorisë të shtrinte hetimet edhe mbi përgjegjësinë e gjashtë personave të tjerë, përfshirë ish-ministrin e Shëndetësisë, Ilir Beqaj./ CNA

Lajmet e fundit nga