web counter
LEXO PA REKLAMA!

SHKARKO APP

App Store
Google Play

Berisha: Rama pronar i inceneratorëve të shëndetësisë, Rjepaj dhe stër-Rjepajt janë Zotot e Mërtirët

20 Nëntor 2023, 13:29, Politikë CNA
Berisha: Rama pronar i inceneratorëve të shëndetësisë,
Ish-kryeministri Sali Berisha

Ish-kryeministri Sali Berisha e cilësoi korrupsionin me koncesionin e sterilizimit si aferën e dytë të shekullit dhe e konsideroi si inceneratori i Shëndetësisë.

Në një deklaratë për shtyp, Berisha tha se kryeministri Edi Rama është pronari kryesor, aksioneri i parë me distancë i aferës së sterilizimit.

Për ish-ministrin e Shëndetësisë, Ilir Beqaj, ai tha se është hajdut, ndërsa për ish-zv.ministrin Klodian Rjepaj dhe personat e tjerë të përfshirë në korrupsion deklaroi se janë vetëm pronarët në letër ose Klodian Zotot dhe Mirel Mërtirët e kësaj afere.

“Me akuzën për shpërdorim detyre, de facto amnistinë e dytë të Ilir Beqës brenda 4 muajsh, Edi Rama provoi dje në mënyrë përfundimtare se ai është pronari kryesor, është aksionari i parë me distancë i aferës së vjedhjes së dytë të shekullit, apo siç e quajnë tani rëndom qytetarët, inceneratorëve të shëndetësisë.

Kurse Beqaj është thjesht hajduti i tij i dobishëm. Rjepaj dhe stër-Rjepaj janë vetëm pronarët në letër, apo Zotot dhe Mërtirët e kësaj afere”, theksoi kryedemokrati ndër të tjera.

Kujtojmë se Klodian Zoto dhe Mirel Mërtiri janë “kokat” e aferës së inceneratorëve, fakt ky i provuar edhe nga SPAK./ CNA





Lajmet e fundit nga