web counter
LEXO PA REKLAMA!

SHKARKO APP

App Store
Google Play

E fundit!

x

“Masa e sigurisë, amnistia e dytë për Beqajn”/ Berisha: Aktakuza e Prokurorisë, tallje cinike

20 Nëntor 2023, 13:15, Politikë CNA

“Masa e sigurisë, amnistia e dytë për Beqajn”/

Ish-kryeministri Sali Berisha reagoi këtë të hënë për masën e sigurisë të caktuar nga SPAK për ish-ministrin e Shëndetësisë, Ilir Beqaj.

Berisha tha në një deklaratë për shtyp se masa e dhënë nga SPAK është de juro dhe de fakto amnistia e dytë për Beqajn.

Ai deklaroi se aktakuza për “shpërdorim detyre” nuk parandaloi konfliktin e interesit midis biznesmenit Ilir Rrapaj dhe ish-zv.ministrit Klodjan Rjepaj dhe se nuk ka konstatuar kostot e fryra, është një tallje cinike.

“Aktakuza për Ilir Beqajn, e shkruar në zyrat e Edi Ramës, është një tallje e ulët, cinike, me shqiptarët, është dëshmi tjetër flagrante e shndërrimit të SKAP-it në një organizatë të rrezikshme kriminale për shoqërinë shqiptare.

Ajo është de jure dhe de facto, amnistia e dytë brenda 4 muajsh nga SKAP-i i partisë, për hajdutin Ilir Beqaj dhe mbrapa tij, Edi Rama.

Aktakuza e diktuar nga Edi Rama e SKAPI-t të partisë për Beqën, për shpërdorim detyre se nuk parandaloi konfliktin e interesit mes biznesmenit dhe vartësit, d.m.th. mes Rrapajt dhe Rrjepajt, se nuk ka konstatuar kostot e fryra, është një tallje e ulët cinike për shqiptarët, është dëshmi totale e keqpërdorimit të SKAP si një organizatë kriminale në funksion të pushtetit të Edi Ramës, është amnistia e dytë në katër muaj e Beqajt nga Edi Rama dhe SKAP i tij”, u shpreh ish-kryeministri./ CNA





Lajmet e fundit nga