web counter
LEXO PA REKLAMA!

SHKARKO APP

App Store
Google Play

E fundit!

x

GJKKO lë në fuqi masën për Berishën, avokati paralajmëron rekurs në Gjykatën e Lartë

21 Nëntor 2023, 11:40, Politikë CNA
GJKKO lë në fuqi masën për Berishën, avokati
Avokati Genc Gjokutaj

Pasi GJKKO, nuk ndryshoi sot masën ndaj ish-kryeministrit Sali Berisha për detyrim paraqitjeje dhe moskalim të kufinjve, avokati mbrojtës i tij, Genc Gjokutaj ka thënë se beteja do të vijojë ndërsa paralajmëroi rekurs në Gjykatën e Lartë.

‘Ne do vijojmë betejën. Është një betejë e gjatë” - tha Gjokutaj për gazetarët.

Avokati mbrojtës i Sali Berishës dhe Jamarbër Malltezit, e ka konsideruar si çështje politike gjyqin ndaj dy demokratëve.

Në një dalje për mediat pas ndryshimit të masës për Malltezin, Gjokutaj nxorri edhe dokumentin që tregon se si kallëzimi e regjistrimi i çështjes është bërë Brenda një dite.

“Gjykata shpalli vendimin, duke e miratuar për pjesën e zotit Berisha. Duke ndryshuar pjesën për Jamarbër Malltezi, ka caktuar masën e ‘arrestit të shtëpisë’. Kjo është një ‘gërvishtje’ sepse Jamabër Malltezi nuk ka asnjë lloj penaliteti. Që kjo çështje është politike, e bëj me dije dhe në këtë faqe të kallëzimit. Keni kallëzimin dhe regjistrimin brenda një dite. Për çështje të tilla, është e pamundur që brenda një dite të dorëzohet kallëzimi dhe të regjistrohet. Gjykimi dje u karakterizua nga një gjuhë e drunjtë e prokurorisë dhe një heshtje e gjykatës”, tha Gjokutaj.

Fillimisht ndaj Malltezit u vendos masa e arrestit me burg, ndërsa sot GJKKO e ka ndryshuar masën në detyrim paraqitje çdo të hënë të parë e të tretë të muajit. Masat ndaj Berishës e Malltezit u vendosën në 20 tetor. Jamarbër Malltezi ishte në burg për çështjen e privatizimit të ish-kompleksit “Partizani”, ndërsa akuzohet për korrupsion pasiv bashkë me kreun e partisë Demokratike Sali Berisha./CNA

 





Lajmet e fundit nga