web counter
LEXO PA REKLAMA!

SHKARKO APP

App Store
Google Play

E fundit!

x

“Duhet të ishte pas hekurave”/ Këlliçi: Beqaj, i amnistuar nga SPAK

20 Nëntor 2023, 18:48, Politikë CNA
“Duhet të ishte pas hekurave”/ Këlliçi: Beqaj, i
Belind Këlliçi

Ish deputeti dhe anëtari i Kryesisë së PD-së, Belind Këlliçi ka deklaruar se ish ministri i Shëndetësisë, Ilir Beqaj sot konsiderohet si i amnistuar nga SPAK.

Në një prononcim për CNA, Këlliçi shprehet se prej kohësh Beqaj duhet të ishte pas hekurave për këtë aferë, në të cilën është i përfshirë ai vetë me firmën dhe vullnetin e tij të plotë.

“Në lidhje me Ilir Beqen, nuk ka asnjë dyshim që sot ai konsiderohet i amnistuar nga SPAK, për shkak se do duhej që prej kohësh të ishte pas hekurave për një aferë në të cilën është i përfshirë ai personalisht, me firmën e tij dhe vullnetin e tij të plotë”, tha Këlliçi.

Më tej, ish deputeti tha se amnistimi nga SPAK për Beqajn, u duk dhe nga distancimi që gjyqtari bëri sot duke i lënë topin në fushë organit të akuzës.

“Kjo u duk dhe në distancimin që vetë gjyqtari i çështjes bëri sot, duke u shprehur që ai nuk mund të caktonte një masë më të rëndë se ajo e ndërmarrë nga SPAK dhe duke i lënë kështu topin në fushë organit të akuzës”, deklaroi Këlliçi./ CNA





Lajmet e fundit nga