web counter
LEXO PA REKLAMA!

SHKARKO APP

App Store
Google Play

Paralajmërimi i Berishës për aksionin opozitar, nuk përjashton përshkallëzim të situatës

21 Nëntor 2023, 13:27, Politikë CNA
Paralajmërimi i Berishës për aksionin opozitar, nuk
Seanca e fundit në Kuvend

Sali Berisha nuk ka mohuar përshkallëzimin e aksionit opozitar, por nuk dha detaje se kur do të ndërmerren hapat e tjerë të këtij aksioni. Në konferencën me gazetarët kryetari i Partisë Demokratike tha se pas tymit në Kuvend është drita e shpresës së popullit opozitar.

“Sot e deri ditën e fitores do ketë vetëm përqëndrim total kundër diktaturës se Ramës e Ballës, sot jemi më të gatshëm e më të vendosur se kurre në këtë betejë. Nuk e marrim as me ekzaltim as pa realizëm, sepse sigurisht ka vështirësitë e vetë pork jo betejë nuk ndalet deri në realizimin e qëllimeve të saj. Ajo që ndodh në parlament ka lidhje me të drejtat kushtetuese të deputetëve, ne nuk po bojkotojmë parlamentin por po luftojmë, po bëjmë një betejë. Pas tymit është drita e shpresës. Tymi në fytyrën e Ramës është drita e shpresës së popullit opozitar për përmbysjen e tij," – tha Berisha.

Në seancën parlamentare të një dite më parë, opozita vijoi aksion e saj ku pavarësisht shtimit të masave të sigurisë nga Garda, deputetët sërish krijuan kaos duke ndezur edhe tymuese. Nga ana tjetër mazhoranca e pashqetësuar nga veprimet e opozitës vijoi me miratimin e projektligjeve në një seancë që zgjati vetëm 5 minuta./CNA

 





Lajmet e fundit nga