web counter
LEXO PA REKLAMA!

SHKARKO APP

App Store
Google Play

E fundit!

x

Vota e emigrantëve/ Lapaj: Kemi gati draft propozimin ligjor, do e bëjmë parlamentin të flasë

22 Nëntor 2023, 18:14, Politikë CNA

Vota e emigrantëve/ Lapaj: Kemi gati draft propozimin ligjor, do e

Themeluesi i lëvizjes "Shqipëria Bëhet", Adriatik Lapaj ka vijuar me turin e tij të takimeve këtë herë në Britaninë e Madhe nga ku ka folur për votën e emigrantëve.

Lapaj tha se sapo të kthehen në Tiranë kanë gati draftin ligjor për votën e emigrantëve, për ndryshime në kodin zgjedhor, propozim i cili do të bëhet gjatë kësaj jave.

Më tej Lapaj thekson se nëse nuk do të ketë refketim atëher ëdo të mbledhin 20 mijë firma dhe do ta detyrojë parlamentin të flasë.

Rruga finale sipas Lapajt është se në fund nëse asnjë nga mënyrat nuk funksionon është që emigrantët të flasin në telefon me këdo në Shqipëri, e t’i bindni që është koha për të ndryshuar.

“Është shumë e thjeshtë, ka dy mënyra.

1) Ne do hapim pikën tonë këtu të Lëvizjes, strukturën tonë, si në çdo qytet tjetër. Dhe kjo strukturë do zgjerohet në vijimësi me kontakte.

2)Ndërsa në makro, në Shqipëri ka dy rrugë: Gjykata Kushtetuese ka përcaktuar në vendimin e saj që Parlamenti brenda këtij viti duhet të përmbushë detyrimin që ju të votoni.

Ne sapo të kthehemi në Tiranë këtë javë, kemi gati draft propozimin ligjor, për votën e emigrantëve, për ndryshime në kodin zgjedhor. Do e hedhim këtë javë.

Nëse nuk ka reflektim, ne do mbledhim 20 mijë firma në Shqipëri, për votën e Diasporës, për ta çuar si iniciativë ligjore dhe ta detyrojmë parlamenti të shprehet. Nëse as kjo nuk funksionon, ka një rrugë finale.

Rruga finale është: ‘Të flisni në telefon me këdo në Shqipëri, e t’i bindni që është koha për të ndryshuar. Dhe nga ana tjetër, vet kur të vijë koha, masivisht, nëpërmjet një eksodi të madh nga Anglia në Shqipëri, të vini të shkundni votën e t’i ndëshkoni nëpërmjet votës.

Këtë rrugë do e udhëheqin qytetarët, dhe masiviteti juaj na përcakton çdo hap.

Ne e kemi ndarë mendjen për ta çuar deri në fund.”, ka thënë Lapaj./ CNA





Lajmet e fundit nga