web counter
LEXO PA REKLAMA!

SHKARKO APP

App Store
Google Play

Akuzat për Rea Xhillarin dhe fluturimet me charter/ Rama: Familjarët e mi s'kanë përfituar asnjë qindarkë

24 Nëntor 2023, 14:53, Politikë CNA
Akuzat për Rea Xhillarin dhe fluturimet me charter/ Rama: Familjarët e
Kryeministri Edi Rama

Kryeministri Edi Rama u është përgjigjur akuzave të ngritura nga ish-kryeministri Sali Berisha se vajza e Ramës, Rea Xhilari, ka përfituar tenderë nga qeveria.

Rama mohoi një akuzë të tillë, duke thënë se asnjë anëtar i familjes së tij nuk ka përfituar asnjë qindarkë nga fondet publike.

Gjithashtu, kryeministri u ndal edhe te pretendimet e opozitës për udhëtimet me charter.

Ai deklaroi se në rastet kur ka udhëtuar me familjen ka përdorur avionët e linjave dhe biletat janë paguar me shpenzimet e tij.

“Po më vini në një pozitë të vështirë në një kohë që unë nuk jam fare i prirur të komentoj akuzat e dikujt që është subjekt i listës së zezë të SHBA-së dhe Britanisë së Madhe për korrupsion dhe subjekt i drejtësisë në Shqipëri për ato arsye që ju i dini dhe s’dua t’i komentoj.

Pyetja nga ju dhe shmangia nëse do të kryente një keqkupim të padrejtë që ti citove që janë shënjestër e kësaj mënyre shumë të ulët për të shfrytëzuar objektin.

Përgjigjja ime është shumë e thjeshtë, kurrë, kurrë, në asnjë rast, asnjë anëtar i familjes sime nuk ka përfituar asnjë qindarkë nga fondet publike dhe jo vetëm kaq, por meqë po ma jepni këtë mundësi, ta mësojnë të gjithë, edhe ata që mbase mund të impresionohen nga akuza absurde për miliona euro të shfrytëzuara për fluturime që unë dhe anëtarët e familjes sime udhëtojnë me mua, unë udhëtoj në dy mënyra. Në rastet e vizitave zyrtare apo të punës sime si kryeministër me avionin përkatës, në të gjitha rastet e tjera me avionet e linjave si të gjithë shqiptarët, më ekonomike dhe me shpenzimet e mia dhe të familjes dhe në të gjitha rastet”, theksoi Rama./ CNA





Lajmet e fundit nga