web counter
LEXO PA REKLAMA!

SHKARKO APP

App Store
Google Play

E fundit!

x

Rama, ultimatum mësuesve dhe drejtorëve të Zyrave Arsimore/ Nxitni nxënësit të shkojnë në shkolla profesionale

24 Nëntor 2023, 10:56, Politikë CNA

Rama, ultimatum mësuesve dhe drejtorëve të Zyrave Arsimore/

Kryeministri Edi Rama ka dhënë një ultimatum për drejtorët e Zyrave Arsimore dhe mësuesve gjatë një takimi që zhvilloi me ta këtë të premte.

Rama u kërkoi atyre të nxisin nxënësit që të shkojnë drejt shkollave profesionale.

“Është e rëndësishme të kuptohet që ne sot kemi mundësi ta adresojmë këtë situatë me më shumë agresivitet për shkak të faktit që kemi investuar në mënyrë të arsyeshme, ndoshta patjetër që duhet më shumë dhe më shumë do të bëjmë, por aktualisht nëse i nxisim dhe i shtyjmë nxënësit që në numra të konsiderueshëm të integrohen në sistemin e arsimit profesional e bëjmë pa merakun që do shkojnë në shkolla ku pastaj nuk do të mund të marrin arsimin e nevojshëm”, – u shpreh ai.

Kreu i qeverisë theksoi se në sistemin e arsimit profesional ka rreth 4 mijë vende të lira.

“Nëse sot kemi rreth 4 mijë vende të lira në sistemin e arsimit profesional, ne duhet të thithim 4 mijë nxënës. Nevojat janë për shumë më tepër, por nuk mund t’ju themi juve të shtyni shumë më tepër sepse do na duhet të kemi infrastrukturën për shumë më tepër”, nënvizoi Rama./ CNA





Lajmet e fundit nga