web counter
LEXO PA REKLAMA!

SHKARKO APP

App Store
Google Play

E fundit!

x

Aleatët e PD-së kërkuan bashkimin e opozitës/ Basha vë kusht kokën e Berishës

24 Nëntor 2023, 12:13, Politikë CNA
Aleatët e PD-së kërkuan bashkimin e opozitës/ Basha vë
Lulzim Basha

Lulzim Basha ka folur për propozimin e bërë sot nga aleatët e Partisë Demokratike, të cilët kërkuan që të formohet një federatë opozitare.

Në një prononcim për mediat, Basha tha se e pranon planin për një federatë të forcave të djathta, por vuri kusht largimin e ish-kryeministrit Sali Berisha.

Ai deklaroi se është i hapur për bashkëpunim, por pa përfshirë në këtë federatë Berishën, për të cilin pretendon se sheh interesat pesonale.

“Çdo bashkëpunim është i domosdoshëm për të prodhuar energjinë e nevojshme për largimin e kësaj qeverie të korruptuar dhe inkriminuar deri në palcë, por kjo fillon duke lënë mënjanë interesat personale. Në Kuvendin Kombëtar të Partisë Demokratike në datën 2 shtator e kam bërë të qartë se Partia Demokratike ka jo thjesht vizionin, por dhe planin për një federatë të forcave të djathta dhe një bashkëpunim me të gjitha forcat opozitare që kërkojnë realisht zëvendësimin e kësaj keqqeverisje të korruptuar tashmë në vitin e saj të dhjetë me një qeverisje që u shërben njerëzve”, u shpreh ai.

Gjithashtu, Basha sulmoi demokratët për aksionin në Parlament.

“Njerëzit nuk presin që ne t’i gjejmë punë vetes në zgjedhjet e ardhshme dhe të përdorim parlamentin si një teatër për interesat personale,” – u shpreh Basha, ndërsa theksoi dhe rëndësinë e listave të hapura.

Kujtojmë se aleatët e PD-së, në një konferencë për mediat propozuan një plan për zgjidhjen e krizës. Pika kryesore ishte krijimi i një federate opozitare për të bashkuar partitë që duan të rrëzojnë kryeministrin Edi Rama nga pushteti.

Ata i bënë thirrje ish-kryeministrit Sali Berisha dhe Lulzim Bashës që të lënë mënjanë problemet personale dhe të bashkohen për të ngritur opozitën./ CNA





Lajmet e fundit nga