web counter
LEXO PA REKLAMA!

SHKARKO APP

App Store
Google Play

Arrestimi i Erzen Breçanit/ Berisha: Nëse ka shkelur ligjin, të përballet me të

24 Nëntor 2023, 13:12, Politikë CNA
Arrestimi i Erzen Breçanit/ Berisha: Nëse ka shkelur ligjin, të
Erzen Breçani

Ish-kryeministri Sali Berisha, në konferencën e përjavshme me gazetarët, ka përmendur edhe arrestimin e ish-zv.drejtorit të Policisë, Erzen Breçani. 

Ai ka theksuar se kushdo që shkel ligjin, duhet të bëhet përgjegjës para ligjit. Kreu i PD-së theksoi se në jetën e tij nuk ka mbrojtur kurrë një person që shkel ligjin.

"Së dyti, për Erzen Breçanin dhe për çdo njeri tjetër, Sali Berisha ka vetëm një qëndrim, ligjin, ligjin dhe vetëm ligjin. Kushdo që ka shkelur ligjin, duhet të bëhet përgjegjës para ligjit. Së treti, se kam dëgjuar unë, dhe dua t’i them atij anëtarit të bandës së Bajrit, që deklaron se ajo kulla e Matës qenka e një të afërmit tim, unë kërkoj që nesër, nëse është e një të afërmit tim, ajo të konfiskohet. Unë nuk kam asnjë dijeni. Po i them anëtarit të bandës Bajri, mirë është të shkojë dhe të japë llogari dhe të mos mendojë se do kalojë krimet që ka kryer në emër të bandës, duke shpifur, duke trilluar, duke folur poshtë e përpjetë. Se ato nuk e shpëtojnë. Se ai është anëtar i paguar i bandës së Bajrit, me dokumente. Me dokumente! Siç e kam akuzuar atë unë njëherë për hjekës në vrasje, se është vrarë djali 24-vjeçar në Zemblak, vetëm e vetëm pse denoncoi tek ai, i keqpërdorur nga policia dhe të gjitha anët, denoncoi parcelat e drogës të oficerëve të policisë në Korçë dhe mori plumb pas koke në Zemblak 24-vjeçari. Tani i them atij, avash-avash, duhet të marrësh atë që do marrin Bajrët me shokë. Duhet t’ia them këtu, sepse kur Bajrët ulën në studiot televizive, bashkë me ju, dhe u kapardisën si njerëz me njohuri të thella, për faktin e vetëm se janë anëtarë të bandave më të rrezikshme, ata e meritojnë të shkojnë atje ku e kanë vendin dhe jo në studiot televizive. E them këtë në emër të interesit publik, për të tjerat do njiheni më vonë. Në fund, çdo njeri që shkel ligjin, duhet të marrë atë që meriton. Nuk kam asnjë lloj komenti tjetër, pavarësisht se kush është. Nuk gjen kush kurrë një njeri që të kem mbrojtur një shkelës ligji. Asnjëherë!", shprehet Berisha./CNA





Lajmet e fundit nga