web counter
LEXO PA REKLAMA!

SHKARKO APP

App Store
Google Play

1 milion pemë në Tiranë? Ironia e Këlliçit: Kush ia preu pemët babait të rrenës?

26 Nëntor 2023, 12:05, Politikë CNA
1 milion pemë në Tiranë? Ironia e Këlliçit: Kush ia
Foto ilustruese

Anëtari i Kryesisë së PD-së, Belind Këlliçi, nuk e ka kursyer ironinë, teksa ka reaguar pasi Veliaj pranoi se ka gënjyer për numrin e pemëve që ai kishte mbjellë në Tiranë.

Këlliçi është shprehur se pema e njëmiliontë ishte mashtrimi më i madh elektoral në 3 dekada dhe se tani kryebashkiaku do të mbjellë edhe 1 milion pemë të tjera, madje pemë frutore.

“Kush ja preu 1 milion pemët babait të rrenës?  Pema e 1 miliontë ishte mashtrimi më i madh elektoral në 3 dekada. Tani kryebashkiaku do ju mbjellë dhe 1 milionë të tjera, madje pemë frutore. Fruta falas për të tërë!”- shkruan Këlliçi.

 

1 milion pemë në Tiranë? Ironia e Këlliçit: Kush ia

Dy ditë më parë kryebashkiaku Erion Veliaj çeli sezonin e mbjelljes së pemëve në kryeqytet teksa ka thënë se qytetarët duan më shumë pemë dhe secili mund të japë kontributin duke mbjellë një të tillë.

“Kemi mbërritur në një situatë kur, edhe ai cinizmi e skepticizmi i dikurshëm, ose gallata që bëhej me fushatat e mbjelljeve, ka kaluar. Së pari, sepse votuesit na kanë dhënë një mesazh shumë të qartë, ata duan më shumë – 800 mijë, 900 mijë, 1 milion, çdo pemë është më mirë se sa të jemi tallës i së mirës publike. Pra, secili mund të marrë një lopatë dhe të ndihmojë. Është fakt se sot kemi kaq shumë të rinj, që e konsiderojnë në modë përfshirjen në aktivitete të tilla. Janë të rinj që studiojnë në Universitetin Bujqësor, por edhe fëmijë që thonë do të mbjell një pemë për ditëlindje, për gjyshin, për çfarëdo lloj sebepi, ose thjesht për të shtuar oksigjenin", - ka thënë Veliaj./CNA





Lajmet e fundit nga