E fundit!

15:57 Aktualitet

Shtyhet seanca e Metës në GJKKO/ Ja data e radhës

Seanca në themel në Gjykatën e Posaçme për kreun e Partisë...

“Rama kontroll mbi SKAP-in e partisë”/ Berisha apel qytetarëve: Të ngrihemi kudo që jemi

25 Nëntor 2023, 18:43, Aktualitet CNA

“Rama kontroll mbi SKAP-in e partisë”/ Berisha apel

Ish-kryeministri Sali Berisha

Ish-kryeministri Sali Berisha në bashkëbisedim me qytetarët e Lezhës u shpreh se Edi Rama ka sot atë kontroll që kishte Enver Hoxha dikur mbi hetuesinë e Sigurimit të Shtetit, mbi SKAP-in e partisë.

Sipas tij ai ka mbushur institucionet e drejtësisë me kriminelë të vërtetë, me prokurorë që shesin dosje për 200 mijë, 300 mijë euro.

Berisha tha se bota e mori vesh me një jehonë të jashtëzakonshme se ai nuk pranon të hetohet për korrupsionin e tij, se ai është i korruptuar.

Lideri historik i PD-së ju bëri apel që të gjithë të ngrihen kudo që janë.

“Bota e mori vesh me një jehonë të jashtëzakonshme se ai nuk pranon të hetohet për korrupsionin e tij. Se ai është i korruptuar. Por kjo nuk mjafton. Ky është një apel që të ngrihemi kudo që jemi. Kemi të bëjmë me një diktaturë. Nëse diktatura komuniste bazohej fund e krye tek policia sekrete shqiptare, si arma më e mprehtë e diktaturës, ku bazohet diktatura e Edi Ramës, që nuk i lë qytetarët të votojnë, që nuk i lë deputetët të gëzojnë të drejtat kushtetuese, bazohet në bandat vrasëse, në paratë e krimit, drogës. Bazohet në organet mercenare, në organizatat kriminale në drejtësinë e tij.

Edi Rama ka sot atë kontroll që kishte Enver Hoxha dikur mbi hetuesinë e Sigurimit të Shtetit, mbi SKAP-in e partisë. E ka mbushur me kriminelë të vërtetë, me prokurorë që shesin dosje për 200 mijë, 300 mijë euro. Me prokurorë që shesin dëshmi për 200 mijë, 300 mijë euro. Me prokurorë që djegin regjistrimet të cilat faktojnë se Taulant Balla është implikuar në vrasje. Me prokurorë, të cilët djegin dokumente që dëshmojnë se Olsi Rama ka qenë de facto, kreu i bandës së kokainës të Xibrakës. Që dëshmojnë se ortaku i tij, Amant Josifi qëndron prapa skemave që u grabitën europianëve 2.2 miliardë euro. Me prokurorë, të cilët mbyllin apo veprojnë si mercenarë në duart e Edi Ramës. U bë studimi, mençuria olimpike e demokratëve, çfarë tregonte, vetëm 8 përqind e demokratëve mendim pozitiv për SKAP-in. 82-92 përqind, ashtu siç është. Nuk ka pasur Shqipëria organ të tillë politik ndonjëherë.”, tha Berisha në Lezhë./ CNA