web counter
LEXO PA REKLAMA!

SHKARKO APP

App Store
Google Play

E fundit!

x

Shi dhe dëborë, Balluku: Rrugët ku shoferët duhet të përdorin zinxhirë

25 Nëntor 2023, 13:17, Aktualitet CNA
Shi dhe dëborë, Balluku: Rrugët ku shoferët duhet të
Foto ilustruese

Prej gati 24 orësh në të gjithë vendin janë regjistruar reshje të shumta të shiut dhe dëborës kryesisht në Veri. Ministrja e Energjisë dhe Infrastrukturës, Belinda Balluku, ka konfirmuar se për momentin nuk ka asnjë aks rrugor të bllokuar, por ajo këshillon përdorimin e gomave dimërore dhe zinxhirëve në disa prej tyre. Ja cilat janë ato:

“Në qarkun e Kukësit ka pasur reshje dëbore, por pa shkaktuar probleme në qarkullimin e automjeteve. Në segmentin rrugor, Dushaj - Sheshi i Trageteve - Lekbibaj, gjatë natës ka pasur reshje dëbore në lartësinë mbi 700 metra. Po kështu edhe në Qafë Thore ku janë marrë masa për hedhjen e kripës dhe pastrimin e rrugës.

•Në aksin Ura e Zapotit - Shishtavec, ka vazhduar rënia e dëborës dhe po punohet për kriposjen dhe pastrimin e rrugës. Trashësia e dëborës shkon deri në 15 cm. Këshillohet që automjetet të cilat qarkullojnë në këtë segment të jenë të pajisura me goma dimërore për shkak të temperaturave të ulëta, të cilat shkojnë deri në minus 2 gradë.

•Në segmentin malor Vau i Dejës – Pukë - Kukës, Fushë Arrëz - Qafë Mali - Kukës ka reshje dëbore dhe po punohet për kriposjen dhe pastrimin e rrugës. Këshillohet përdorimi i gomave dimërore.

•Në akset Bajram Curri - Valbonë, Ura Bujan - Qafë Morinë – Tropojë – Shipshan – Sopot -Kerrnaje, Bajram Curri - Fierzë ka pasur reshje dëbore e cila është pastruar dhe nuk ka probleme për qarkullimin.

•Në akset e tjera të vendit, në rajonin qendror dhe atë jugor, ka pasur reshje shiu me intensitet, por qarkullimi i automjeteve vijon normalisht.” – shkruan Balluku.

Përveë rrugëve edhe energjia ka shfaqur fillimisht probleme për shkak të erërave të forta, por tashmë situata është përmirësuar dhe në të gjithë vendin furnizimi me energji elektrike kryhet pa ndërprerje. 

“Për shkak të motit të keq janë shfaqur avari në 13 fidera, kryesisht në rajonin e Fierit, në zonat rurale. Në terren ndodhen ekipet e OSSH. Të gjitha linjat, të cilat furnizojnë me energji elektrike hidrovorët, janë në funksion të plotë. Në linjat e transmetimit dhe nënstacionet e OST nuk raportohen problematika. Sa i takon kaskadës së Drinit situata paraqitet e qetë, ku për shkak të prurjeve të konsiderueshme të liqenit të Komanit dhe Vaut të Dejës i gjithë prodhimi i energjisë mbulohet nga këto dy Hec-e. Aktualisht Fierza është në prodhim zero për të bërë të mundur akumulimin e prurjeve dhe rritjen e rezervës energjetike. Në Fierzë niveli është 274.72 m; Koman 171.17 m dhe Vau Dejes 73.63 m”- shkruan Balluku.

Ndërkohë edhe situata e furnizmit me ujë paraqitet normale në të gjithë vendin./CNA

 





Lajmet e fundit nga