web counter
LEXO PA REKLAMA!

SHKARKO APP

App Store
Google Play

E fundit!

x

Bashkia e Tiranës jep fonde për ndërtimin e dy shkollave në Preshevë dhe Bujanovc

27 Nëntor 2023, 20:38, Politikë CNA
Bashkia e Tiranës jep fonde për ndërtimin e dy shkollave në
Kryetari i Bashkisë së Tiranës, Erion Veliaj

Në vigjilije të 111-vjetorit të Pavarësisë, kryetari i Bashkisë së Tiranës, Erion Veliaj, organizoi një pritje në Pallatin e Brigadave me shqiptarë nga e gjithë bota.

Në fjalën e tij, Veliaj bëri të ditur se ka financuar ndërtimin e dy shkollave në Preshevë dhe në Bujanovc.

Ai deklaroi se financimi i shkollave është aprovuar nga këshilli bashkiak, ndërsa theksoi se gjithashtu do të financohet edhe ndërtimi i parkut “Shqipëria” në komunën e Tuzit.

“Këshilli Bashkiak sapo aprovoi financimin e shkollës “Dituria” në Preshevë dhe shkollës “Naim Frashëri” në Bujanovc. Bashkia e Tiranës sapo aprovoi ndërtimin e parkut “Shqipëria” në komunën e Tuzit, si një kontribut i një Tirane, që nuk është më Tirana që shumë veta lanë pas në vitet ‘90, e që më shumë lypte se sa bënte, por që sot është një Tiranë që bën, është një Tiranë që më shumë jep se merr, sepse sot i kemi mundësitë e një qyteti modern që ka edhe zemrën për të bërë mirë dhe për të kontribuuar aty ku janë kryetarët tanë, aty ku flitet gjuha jonë dhe aty ku fëmijët tanë në ato shkolla, tani të reja dhe të bukura, do të mësojnë gjuhën tonë më të bukurën, shqipen”, nënvizoi mes të tjerash kryebashkiaku i Tiranës. 

Ai u shpreh krenar për mbrojtjen me fanatizëm të kultit të atdheut te çdo bashkëkombas shqiptar.

Të pranishëm në pritjen zyrtare ishin përfaqësues të qeverisë shqiptare, asaj të Kosovës, Maqedonisë së Veriut e Malit të Zi, përfaqësues të Unionit të Bashkive të Shqipërisë, komunave arbëreshe, anëtarë të trupit diplomatik, personalitetet publike dhe artistë./ CNA





Lajmet e fundit nga