web counter
LEXO PA REKLAMA!

SHKARKO APP

App Store
Google Play

E fundit!

x

Rama, kritika Serbisë/ "Ka përgjegjësi për sulmin në Banjskë, të njohë plotësisht Kosovën shtet"

27 Nëntor 2023, 15:25, Politikë CNA

Rama, kritika Serbisë/ "Ka përgjegjësi për sulmin

Kryeministri Edi Rama kritikoi Serbinë për situatën e tensionuar me Kosovën, gjatë një bashkëbisedimi në Këshillin e Atlantikut.

Rama tha se Serbia duhet të njohë plotësisht Kosovën si shtet të pavarur, pasi pa u plotësuar ky kusht nuk vendoset paqe përfundimtare.

Teksa kujtoi sulmin e 24 shtatorit në Banjskë, kreu i qeverisë deklaroi se qeveria serbe ka një përgjegjësi të madhe, pasi jo vetëm që nuk dënoi grupin e armatosur, por shpalli 3 ditë zie kombëtare.

Ai theksoi se sulmi në Banjskë është një kambanë alarmi, pasi rrezikon paqen dhe bashkëpunimin rajonal.

“Kjo situatë që është përmirësuar shumë, krahasuar me 10-12 vjet më parë kur nuk kishim fare komunikim. Duhet trajtuar dhe zgjidhur kjo çështje midis Kosovës dhe Serbisë me një njohje të plotë të Kosovës dhe praktikisht me paqen përfundimtare. Ajo çfarë ndodhi në ngjarjen tejet tragjike pak muaj më parë ishte një shenjë shumë e fortë dhe një kambanë e mirëfilltë alarmi e potencialit që ka një çështje e tillë e pazgjidhur për t’u bërë një çështje vendimtare në rrezikimin e paqes dhe bashkëpunimit rajonal. Në këtë rast përgjegjësia është jo vetëm e personave të përfshirë drejtpërdrejt në veprimet kriminale, por edhe përgjegjësia e Beogradit, i cili nuk e dënoi, por në të kundërt shpalli ditë zie kombëtare në nder të këtyre kriminelëve”, theksoi Rama./ CNA





Lajmet e fundit nga