web counter
LEXO PA REKLAMA!

SHKARKO APP

App Store
Google Play

Felaj jep detaje nga kërkesa e PS-së për Komisionet Hetimore: Nuk ka rregulla të reja, ka risjellje të tyre

30 Nëntor 2023, 13:23, Politikë CNA

Felaj jep detaje nga kërkesa e PS-së për Komisionet Hetimore: Nuk

Nënkryetarja e Kuvendit, Ermonela Felaj, ka dhënë detaje në lidhje me kërkesën e Partisë Socialiste për ndryshimin e ligjeve për Komisionet Hetimore. 

Felaj tha se nuk ka rregulla të reja që kërkohen nga socialistët, por ka risjellje të atyre rregullave që mungojnë në ligj.

Felaj nënvizioi se ka kërkuar që të jenë anëtarët e opozitës, por askush nuk ka dashur që të ulet në tryezë për këtë çështje. Ajo shtoi se duan që të bëhet një ndarje e qartë që të mos zëvendësohet puna e prokurorisë dhe gjykatës.

"Është njohur e drejta e ngritjes së Komisioneve Hetimore si e drejtë e opozitës, por nuk është një e drejtë e pakufizuar. ¼ e deputetëve të Kuvendit kanë të drejtë të propozojnë ngritjen e një Komisioni Hetimor. Ligji i vitit 2002 ka qenë ligji që ka detajuar këtë kërkesë për të drejtat e pakicës. Kam kërkuar që anëtarët e opozitës të mund të përfaqësoheshin në komisionin 'Ad-hock'. Unë i kam ndjekur me vëmendje edhe qëndrimet e anëtarëve të opozitës dhe nuk më rezulton që dikush aty të ketë dashur që të ulemi në një tryezë pune dhe të punojmë me një tryezë të përbashkët. Koha nuk pret. Këtë duhet ta diskutojmë me të tria nismat, një e Tabakut dhe ajo e Spahos. Puna e Komisioneve Hetimore ka dalë jashtë kornizave të Kushtetutës së Shqipërisë. Ne duam të bëjmë një ndarje të qartë që të mos e zëvendësojmë punën e prokurorisë dhe të Gjykatës", - tha Felaj./CNA





Lajmet e fundit nga