web counter
LEXO PA REKLAMA!

SHKARKO APP

App Store
Google Play

Berisha nuk i ndahet SPAK-ut, akuza të forta/ “Është organizatë kriminale”

29 Nëntor 2023, 20:25, Politikë CNA
Berisha nuk i ndahet SPAK-ut, akuza të forta/ “Është
Ish-kryeministri Sali Berisha

Ish-kryeministri Sali Berisha ka zhvilluar këtë mbrëmje një takim me Kryesinë e PD-së, ku ka hedhur sërish akuza ndaj SPAK-ut.

Berisha e ka cilësuar SPAK-un si një organizatë kriminale, që sipas tij nuk ka asnjë ndryshim nga hetuesia e Sigurimit të Shtetit.

Kreu i PD-së ngriti pretendimet se SPAK vepron mbi bazën e bandave, ryshfetit dhe të vrasjeve.

“Nuk ka më kohë tjetër, akt tjetër, vendim tjetër përveç mosbindjes civile më të fuqishme që ka njohur ky vend në historinë e vet. Nëse nuk duam që votat të na i numërojnë Bajrët, të na i numërojnë bandat tjera dhe ne të mashtrojmë shqiptarët se do e mundim Edi Ramën. Nëse nuk duam që pushtetet e parlamentit të kalojnë të gjitha në duart e Edi Ramës, nëse nuk duam që hanxharët e krijuar në institucionet sot, SKAP-i është një organizatë kriminale absolutisht pa asnjë ndryshim nga hetuesia e Sigurimit të Shtetit. Por jo në bazë ideologjie, se ata e bënë mbi bazë ideologjie se armiku i klasës duhet zhdukur, kurse këta mbi bazën e bandave, ryshfetit, mbi bazën e vrasjeve.

Ndaj dhe një kthesë kërkohet nga ne. Një kthesë rrënjësore në qëndrimet tona ndaj diktaturës.

Për çdo njeri me minimumin e njohurive politike, kjo është një diktaturë, mobokraci. Nuk është ideologjike, nuk është as fetare. Diktaturë që bazohet në sundimin të një njeriu që përdor bandat, përdor çdo gjë kundër nesh.

Ky do jetë mesazhi, por mbi të gjitha, secili nga ne, duhet në këtë betejë pa kthim, të pozicionohet, të kontribuojë me të gjithë mundësitë e tij.

Po vijmë nga një mbledhje me kryetarët. Një mbledhje, gjykoj, mjaft e dobishme në diskutimet e tyre.

Aty u ra dakord që, e vërteta është se ka njerëz që janë shmangur, ka njerëz që kanë problematikat e tyre dhe nuk para pëlqejnë përballjen, por u ra dakord që ka shumë të tjerë që presin përballjen dhe vetëm përballjen. Ka shumë të tjerë që presin t’u prijmë, që presin të na shohin në drejtim të tyre, siç janë deputetët në Parlament”, theksoi kryedemokrati./ CNA





Lajmet e fundit nga