E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Çështja "Beleri"/ Agim Nesho: Krizë Shqipëri-Greqi, shkaktari Rama

30 Nëntor 2023, 15:44, Politikë CNA

Nënkryetari i Partisë së Lirisë, Agim Nesho

Nënkryetari i Partisë së Lirisë, Agim Nesho, ka folur lidhur me çështjen "Beleri" dhe ndikimin që ka pasur e vijon të ketë kjo çështje në raportet Shqipëri-Greqi.

Sipas tij kjo çështje lidhet me faktin që një person ka ka kapur të gjitha organet dhe kemi të bëjmë me psikologjinë e autokratit që çdo gjë do ta kontrollojë vetë.

Ai thotë se bllokimi i negociatave mund të çojë në një moment tjetër të lëvizjes së lirë që është një nga kushtet kryesore të integrimit.

Ai thotë se ka një shkaktar të kësaj krize dhe ky fatkeqësisht është kryeministri i Shqipërisë.

“Prishen interesat e Shqipërisë. Nesër-pasnesër, bllokimi i negociatave mund të çojë në një moment tjetër të lëvizjes së lirë që është një nga kushtet kryesore të integrimit. Ky është një moment që deliri i Ramës si gjithmonë i prodhon politikës shqiptare. Pesë kapitujt e parë që do të diskutohen janë respektimi i të drejtave të njeriut dhe minoriteteve. Shqipëria ka draftet më përparimtare. Çështja është një pushtet që ka kapur të gjitha organet dhe psikologjia e autokratit që çdo gjë do ta kontrollojë vetë. Ka një shkaktar të kësaj krize dhe ky fatkeqësisht është kryeministri i Shqipërisë. Drejtësia shqiptare ka një problematikë shumë të madhe dhe po pezullohet gjithnjë e më tepër.

Në lidhje me raportet e BE ka një përgjegjësi dhe përgjegjësia është konkrete. Kjo drejtësi është iniciuar nga ai dhe financuar nga 20-milionëshi i famshëm i Sorosit. Nuk është zhvilluar në kushtet e një ambienti demokratik. A mund të ketë drejtësi në një pushtet që i ka kapur të gjitha dhe kontrollon të gjitha institucionet?! Ne po shikojmë se sa të politizuar janë kur bëjnë goditje selektive. Nëse do të shikonim një drejtësi të paanshme do të shihnim që në krye të herës do të hetonte ata që po bëjnë afera korruptive”, tha ai./ CNA