web counter
LEXO PA REKLAMA!

SHKARKO APP

App Store
Google Play

Demontimi në Gërdec/ Mediu: Zona duhej vlerësuar nga Shtabi i Përgjithshëm, jo nga unë

30 Nëntor 2023, 16:42, Politikë CNA
Demontimi në Gërdec/ Mediu: Zona duhej vlerësuar nga Shtabi i
Ish-ministri i Mbrojtjes, Fatmir Mediu

Ish-ministri i Mbrojtjes, Fatmir Mediu, është pyetur mbrëmjen e kësaj të enjteje nga gazetarët për tragjedinë e Gërdecit, pas dëshmisë në SPAK.

Konkretisht Mediu u pyet për urdhrin që demontimi i municioneve të bëhej në Gërdec dhe jo në Bërzhitë.

Ai deklaroi se Gërdecin ia propozuan zyrtarët e ministrisë së Mbrojtjes, ndërsa theksoi se urdhri i tij ishte thjesht politik.

Sa i takon vlerësimit të zonës, ish-ministri theksoi kjo detyrë duhej kryer nga Shtabi i Përgjithshëm.

"Unë nuk e di ku është zoti Hoxha, di që ka një vendim penal për të. Unë kam qenë këtu, nuk i jam shmangur drejtësisë. Në momentin që i kemi dërguar Shtarbit të Përgjishëm Bërxhitën, na tha që nuk është vend i sigurt. Përsa i përket urdhrit 550, nuk kam qenë ndonjëherë në Gërdec, por është propozim i ardhur nga zyrtarët e Ministrisë së Mbrojtjes, të shoqëruar me memon e Sekretarit të Përgjithshëm, që ishtë pjesë e procesit të demontimit. Shtabi i Përgjithshëm duhet të shkonte në Gërdec dhe të vlerësonte vendin. Në Ministrinë e Mbrojtjes, kur një ministër nxjerr një urdhër, është urdhër politik, ndërsa shefat e shtabit nxjerrin urdhrat e veta se ata janë të fushës", nënvizoi Mediu./ CNA





Lajmet e fundit nga