LEXO PA REKLAMA!

SHKARKO APP

E fundit!

x

A do të hyjë Argita Malltezi në politikë?/ Përgjigjet ajo dhe Sali Berisha

2 Dhjetor 2023, 19:04, Politikë CNA

A do të hyjë Argita Malltezi në politikë?/ Përgjigjet

A do të hyjë Argita Malltezi në politikë?

Kjo është një pyetje që shumëkush mund ta ketë bërë që pas daljes së Argita Malltezit në një intervistë televizive pasi SPAK arrestoi bashkëshortin e saj Jamarbër Malltezi për aferën “Partizani”, e që më pas e la në arrest shtëpie.

Edhe sot në Kuvendin Kombëtar të Partisë Demokratike Argita Malltezi mbajti një fjalim ku kërkoi që të gjithë të ngrihen dhe të luftojnë për fëmijët e tyre.

“Ne kemi ditur të ngrihemi dhe të luftojmë, por lejuam të keqen që erdhi nga kreu. Ajo është e pafalshme dhe dhe shembulli që dhamë fëmijëve tanë. Menduam se është më mirë të ikim, sesa të përballemi me të keqen. Duhet ta bëjmë këtë betejë për fëmijët tanë. Shpresa është vrarë, është detyra jonë për ta rikthyer atë", tha ajo. 

Pas fjalimit dhe retorikës së sa që spikati mori dhe më tepër kuptim pyetja lidhur me përfshirjen e Argita Malltezit në politikë.

Pyetjes i ka dhënë një përgjigje vetë Argita dhe po ashtu dhe ish-kryeministri Sali Berisha.

Argita tha në një intervistë për mediat pas fjalës në Kuvendin Kombëtar të Partisë Demokratike se nuk ka ambicie për më shumë, por thelbi i fjalës së saj është që të reagojnë njerëzit.

“Gjithmonë kam qenë pjesë aktive e PD, por nuk kam ambicie për më shumë, është çështja të kesh ambicie, por të bësh atë që duhet të bësh, thelbi i fjalës sime është që të gjithë duhet të reagojnë. E keqja të vjen butësisht, kur ti mendon se diçka është banale për ditën tëndë. E keqja bëhet imponuese kur ti e ke neglizhua", tha Malltezi.

Të njëjtin qëndrim mbajti edhe vetë Sali Berisha kur u pyet nga gazetarët.

“Argita Malltezi mbajti një fjalim si shumë të tjerë aty. Argita Malltezi është një aktiviste e PD-së, që në ditët më të para të themelimit të saj, ka qenë studente. Në këtë kontekst, ajo nuk është ndarë kurrë nga PD. Ky është fjalimi i parë publik i saj në kuvendet e partisë, por kjo nuk do të thotë asgjë më shumë sesa një fjalim në të cilin shprehu si aktiviste e PD-së, mendimet e veta”, tha Berisha./ CNA

Lajmet e fundit nga