LEXO PA REKLAMA!

SHKARKO APP

E fundit!

x

Pse Rama nuk pranon Komisionet Hetimore?/ Çështjet që e vënë me “shpatulla pas murit”

1 Dhjetor 2023, 12:28, Politikë CNA
Pse Rama nuk pranon Komisionet Hetimore?/ Çështjet që e
Edi Rama, kryeminister

Ish-kryeministri Sali Berisha e ka quajtur qesharak propozimin e Partisë Socialiste për ndryshimin e ligjit për Komisionet Hetimore.

Sipas Berishës, ai nuk pranon ngritjen e Komisioneve Hetimore, pasi është i implikuar në aferën e sterilizimit, ku theksoi se Rama është koka e Meduzës dhe Ilir Beqaj thjesht një Lefter Kokë, për aferën e "check-up"-it, në krye të së cilës sipas Berishës qëndron bashkëshortja e kushëririt të tij si dhe për plaçkitjen e pronave në bregdet përmes investitorëve strategjikë.

Por ish-kryeministri thekson se pavarësisht të gjithave Rama do të hetohet.

“Edi Rama do të hetohet një më një. Me hetimin parlamentar i përmbyset Dubai i tij në Durrës, i përmbyset lavatriçja e parave të drogës dhe bitcoin në Evropë. I përmbyset parajsa e krimit duke mbyllur portin e shqiptarëve.

Edi Rama nuk mundet të pranojë Komisionet Hetimore për sterilizimin se ai është bosi i sterilizimeve. Beqaj është thjesht një Lefter Kokë, por koka e Meduzës është Rama dhe vetëm Edi Rama.

Nuk pranon komisionet e 'check up'-it se e ka bashkëshortja e kushëririt të tij që regjsitron shpirtat e vdekur si në defteret e Çiçikovit.

Rama nuk mundet të pranojë hetimet për pronat e plaçkitura në sajë të investitorit statergjik se është vetë një nga plaçkitësit e pronës.

I bllokon negociatat se Beleri nuk lejon që mafia e pushtetit të pushtojë brigjet e qytetarëve”, tha ndër të tjera Berisha./ CNA

Lajmet e fundit nga