E fundit!

19:44 Aktualitet

Protesta e 46 kundër qeverisë/ Qytetarët marshojnë drejt Kryeministrisë

Ka nisur protesta e 46 kundër qeverisë. Protestuesit janë...

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

15 Korrik 2026, 19:17, Politikë CNA

Nga Sekretari i Përgjithshëm te nënkryetarët/ Lista e

Në mbledhjen e Këshillit Kombëtar të PD-së, kryedemokrati Sali Berisha ka paraqitur emrat e kandidatëve për ekipin e ri drejtues të partisë.

Do të jenë anëtarët e Këshillit Kombëtar të cilët do të votojnë për këto emra. Gjatë fjalës së tij, Berisha bëri me dije se në përputhje me një vendim të Këshillit Kombëtar të mëparshëm, dy poste nënkryetarë janë ex-officio.

Ndër të tjera shtoi se një nga nënkryetarët do të jetë përfaqësues i të rinjve dhe një i diasporës.

Fjala e Berishës:

Tani, lidhur me kryesinë, me nënkryetarët e Partisë Demokratike, rikujtoj se në përputhje me një vendim të Këshillit Kombëtar të mëparshëm, dy poste nënkryetarë janë ex-officio, për çka është pasqyruar dhe në statutin e partisë kjo.

Në kuadrin e dhe në frymën e Kuvendit, është menduar gjithashtu që një nga nënkryetarët të jetë përfaqësues i të rinjve të Partisë Demokratike dhe të Shqipërisë.

Diaspora shqiptare, e cila po luan një rol të jashtëzakonshëm dhe mbetet një kundër kësaj diktature, mendojmë se duhet të ketë një nënkryetar të saj në kryesinë e Partisë Demokratike.

Ndaj dhe unë do ju lexoj emrat e personave të propozuar për nënkryetar: Belind Këlliçi, Luçiano Boçi, Xhonatan Pano, Nikola Kedhi, Besa Manaj, Erisa Bajaziti.

Këto janë kandidaturat për nënkryetar të Partisë Demokratike, domethënë secili nga këta gjashtë do zgjidhen tre.
Për sekretarët.
Sekretari i Përgjithshëm: Flamur Noka, Saimir Korreshi.
Sekretar Organizativ: Agron Loka, Klevis Balliu.
Sekretar për Dixhitalizimin: Etion Kapedani, Renald Rista.
Sekretar për Burimet Njerëzore: Andi Mustafa, Mario Runa.
Sekretar për Urbanistikën dhe Territorin: Gentian Kaprata, Maksim Kola.
Sekretar për Çështjet Ligjore dhe Zgjedhore: Arlind Ahmetaj, Marash Logu.
Sekretar për Çështjet e Pronave dhe Luftën kundër Korrupsionit: Endira Bushati, Ledina Mandia.
Sekretar për Marrëdhëniet me Publikun: Denisa Kele, Vjola Kapedani.
Sekretar për të Drejtat e Njeriut: Franc Nuri, Ledio Nuraj.
Sekretar për Organizatat Partnere dhe Shoqërinë Civile: Eva Metaj, Malvina Lika.
Sekretar për të Përndjekurit Politikë: Lorenc Luka, Shkëlqim Lepenica.
Sekretar për Integrimin Europian: Fjoralba Dizdari, Silvia Hasaj.
Sekretar për Pushtetin Lokal: Agron Haxhimali, Ylli Asllani.
Sekretar për Emigracionin dhe Diasporën: Ethem Aga, Petrit Tafaj.
Sekretar për Aksionin Qytetar: Erges Eskiu, Jurgens Spaho.
Pra, në tërësi, ka një ripërtëritje, është bërë një bazuar më shumë në eksperienca dhe në praktikat e tyre, por unë mendoj se ky Sekretariat ka të gjithë vullnetin, ekspertizën dhe ju, të dashur anëtare dhe anëtarë të Këshillit Kombëtar, keni mundësi zgjedhje me kandidaturat që dëshironi.
Komisioni për Apelimin: Adriana Kalaja, Ankelita Çela, Arsen Dushku, Besar Logu, Çajup Shehaj, Gentian Koçi, Lukas Hejdron, Mark Lleshi, Shaqir Manjani, Suina Asllanaj.
Nga këta do zgjidhni me X ose plus pesë emra.
Pra, këto janë propozimet për sekretar dhe postet më të larta në Partinë Demokratike. /CNA