web counter
LEXO PA REKLAMA!

SHKARKO APP

App Store
Google Play

E fundit!

x

“Skandal nga ministrja serbe”/ Këlliçi: Rrëzimi i binjakut autokrat të Vuçiç-it, imperativ kombëtar

14 Korrik 2026, 13:06, Politikë CNA

Deputeti demokrat, Belind Këlliçi, ka reaguar sot pas deklaratës së bërë për Kosovën nga ministrja e Administratës Publike dhe Vetëqeverisjes Lokale në Qeverinë e Serbisë, Snezhana Paunoviç.

Në një intervistë të gjatë, ministrja në qeverinë e Vuçiç-it, u shpreh se po të kishte pasur lirinë e veprimit që kishte Slobodan Milosheviç, do ta kishte “spastruar etnikisht Kosovën”.

Përmes një postimi në rrjetet sociale, Këlliçi e cilëson si skandaloze këtë deklaratë, ndërsa shton se qasja është e papranueshme.

Sipas Këlliçit, deklarata u bë në të njëjtën ditë me intervistën e kryeministrin Edi Rama në një kanal serb, teksa shprehet se afërsia e tij me presidentin Aleksandar Vuçiç është e njohur dhe se rrëzimi i Ramës si binjak i një autokrati si Vuçiç është një imperativ kombëtar.

“SKANDALOZE!!!

Ditën që një ministre e Vuçiç deklaron në një intervistë se po të ishte ajo në vend të Millosheviç, do ta kishte realizuar pastrimin etnik në Kosovë, Edi Rama u shfaq në Euroneës Serbia dhe foli me simpati për presidentin serb!!!

As nuk dënoi deklaratat e zyrtares së lartë, as nuk shprehu indinjatë. Por tha se ideja e Ballkanit të Hapur ishte fantastike.

Edi Rama u asociua me Vuçiç kur tha se kjo ide fantastike u sulmua vetëm sepse ata të dy qëndronin pas saj.

E papranueshme, skandaloze kjo qasje.

E përsëritur tashmë në 13 vite. Në shesh duhet të rrëzojmë sunduesin e Tiranës dhe binjakun e autokratit të Beogradit.

Eshte imperativ kombëtar!”,-shkruan Këlliçi./CNA  





Lajmet e fundit nga