web counter
LEXO PA REKLAMA!

SHKARKO APP

App Store
Google Play

“Fundi po i vjen me shpejtësi”/ Këlliçi për Ramën: Mbahet me thonj pas karriges, se e di mirë çfarë e pret

12 Korrik 2026, 22:20, Politikë CNA

“Fundi po i vjen me shpejtësi”/ Këlliçi për

Deputeti demokrat Belind Këlliçi tha sot se fundi politik i kryeministrit Edi Rama po vjen me shpejtësi.

Siç theksoi përmes një postimi në rrjetet sociale, kreu i qeverisë e ka të qartë tamimë përmes protestave mendimin e qytetarëve shqiptarë për të.  

Sipas demokratit, Rama mbahet me thonj pas karriges së tij sepse e di mirë se çfarë e pret.

“20 minuta fyerje, kërcënime, nxitje të ndasisë, etiketime, mllef, sharje. Ky ishte mesazhi i Kryeministrit për shoqërinë e për qytetarët këtë të dielë pasdite.

Kështu sulmoi Edi Rama ata që janë ngritur kundër korrupsionit, kundër arrogancës, kundër abuzimit me pushtetin.

Përbuzi e foli me përçmim për të moshuarit që nuk u del pensioni, për ata që nuk gjejnë shërbim në spitale, për ata që mezi mbyllin muajin.

Edhe sot me zë e me figurë ai pohoi se nuk përfaqëson shumicën e njerëzve, por atë klubin që kërkon të shtojë pasurinë, që kërkon më shumë tendera, më shumë prona publike, më shumë zona të mbrojtura, më shumë konçesione e liçensa.

Ky sipas tij është zhvillim!!!

Është kjo arsyeja që ka ndaluar komentet, aty ku shpërndau këtë mesazh. E di mirë se çfarë mendojnë shqiptarët për të.

Janë përpëlitjet e një Kryeministri të rrëzuar nga revolta e popullit, nga sheshi poshtë zyrës së tij.

Mbahet me thonj pas karriges se e di mirë çfarë e pret. Dhe vetëm ndot hapësirën publike me atë që nxjerr nga goja.

Fundi po i vjen me shpejtësi”,-shkruan Këlliçi./CNA

 





Lajmet e fundit nga