web counter
LEXO PA REKLAMA!

SHKARKO APP

App Store
Google Play

E fundit!

x

Mbi 500 milionë euro në 10 vite/ Zhulali: BE jep para për infrastrukturën ndërlidhëse, ku kanë shkuar paratë për Shqipërinë?

15 Korrik 2026, 16:19, Politikë CNA

Mbi 500 milionë euro në 10 vite/ Zhulali: BE jep para për

Ekspertja e politikës, Ilda Zhulali, tha sot se pavarësisht fondit me shifra të larta që iu është akorduar vendeve të Ballkanit Perëndimor për infrastrukturën ndërlidhëse, sërish Shqipëria nuk është në pozitën e duhur në këtë sektor.

Duke folur për këtë çështje në ‘Syri Tv’, Zhulali veçoi 527 milionë eurot e dhëna në dekadën e fundit për gjashtë vendet e rajonit, që siç tha, nuk rezulton të kenë sjellë ndryshime të konsiderueshme në vend.

“Janë dhënë në 10 vitet e fundit 527 milionë euro për gjashtë vendet e rajonit, që ne të ndërtojmë një infrastrukturë që na lidh më mirë vendet tona me njëra-tjetrën, por po ashtu na përfshin në korridoret evropiane të transportit, dhe bën lëvizjen dhe ndërlidhjen e vendeve të rajonit me Evropën më të gjallë dhe më funksionale. Tani nga të gjitha këto para, 527 milionë euro që nuk janë pak, që i ka dhënë Bashkimi Evropian, këta auditues shikojnë se çfarë ka ndodhur”,-u shpreh Zhulali.

Më tej, Zhulali ngriti pikëpyetje se ku kanë shkuar këto para, ndërsa u ndal te disa problematika në infrastrukturë që ngrenë dyshime.

“Këto para kanë shkuar për të ndërtuar rrugë të cilat janë funksionale? A janë sipas standardeve evropiane, pra ti mund të ecësh në këto korsi të shpejtësisë dhe të jesh i sigurt? Apo ndodh siç ka ndodhur në Shqipëri që rrugët rrëzohen gjashtë muaj, një vit pasi janë ndërtuar, apo dhe në proces ndërtimi, siç pamë disa muaj më përpara ku e gjithë hyrja e vendit u bllokua për shkak të shembjeve në rrugë”,-tha Zhulali./CNA





Lajmet e fundit nga