web counter
LEXO PA REKLAMA!

SHKARKO APP

App Store
Google Play

E fundit!

x

“A mund të imagjinoni?”/ Berisha: Kudo vidhet, 180 milionë euro janë shpenzuar për djegësat

4 Dhjetor 2023, 19:41, Politikë CNA
“A mund të imagjinoni?”/ Berisha: Kudo vidhet, 180 milionë
Ish-kryeministri Sali Berisha

Ish-kryeministri Sali Berisha thotë se në Shqipëri është vendosur një raport ku 80 ose 90 përqind e asaj që shpallet investim, vidhet.

Berisha sjell rastin e tre djegësve ku thotë se gjer sot janë të shpenzuara 180 milionë euro, asnjëri nuk funksion dhe ai që herë funksionon, herë jo, ka kushtuar 11 milionë euro.

Po të njëjtin problem Berisha sjell dhe lidhur me ndërtimin e rrugëve.

“Në Shqipëri është vendosur një raport ku 80 ose 90 përqind e asaj që shpallet investim, vidhet. Shembull klasik janë djegësat. Janë tre djegësa gjer sot, të shpenzuara 180 milionë euro, asnjëri nuk funksion dhe ai që herë funksionon, herë jo, ka kushtuar 11 milionë euro. I Tiranës nuk ekziston, por ka marrë 130 milionë deri tani. Nyja te ‘Shqiponja’ ka kushtuar 27 milionë euro kilometri. Ka kushtuar një kilometër sa dy kilometra të tunelit të Kërrabës. A mund të imagjinoni? Dhe meqenëse folëm për rrugët, duhet të dini një gjë, që këto rrugë janë një ndëshkim për shqiptarët, jo vetëm me kostot, po e po, se të ndërtosh rrugë me 10-fishin e çmimit, është krim i shëmtuar.

Por ka një problem tjetër po kaq të rëndë, koha e ndërtimit. Nëse ti, rrugën që duhet ta ndërtosh në dy vite, e zgjat në 12 vite, i humb çdo shans të leverdisshmërisë së saj. Të përfitimit prej saj, përkundrazi. Rruga, kur është fizibël, fitohet 1 me 4. 1 dollarë investim, 4 fitim. Por me kusht kohën. Ka filluar rruga Qukës-Qafë Pllocë në vitin 2011, janë bërë 12 vite dhe rruga nuk përfundon.  Ka filluar Rruga e Arbrit, në vitin 2013 kemi lënë të përfunduara 32 kilometra, kemi lënë të papërfunduara 27 kilometra dhe sot ajo vazhdon. Pra, jo vetëm që njëra anë është e tmerrshme, vjedhja që bëjnë. Por nga ana tjetër, zgjatja e tyre është një barrë shumë e rëndë për ekonominë. Dhe kjo është në çdo sektor. Kjo është kudo.”, tha Berisha./ CNA





Lajmet e fundit nga