web counter
LEXO PA REKLAMA!

SHKARKO APP

App Store
Google Play

E fundit!

x

Bardhi, "dhëmbë për dhëmbë" me Ballën/ "Boll u ankuat për protestën e opozitës, të hetohen aferat"

4 Dhjetor 2023, 14:15, Politikë CNA
Bardhi, "dhëmbë për dhëmbë" me Ballën/
Boll u ankuat për protestën e opozitës

Ministri i Brendshëm, Taulant Balla, paralajmëroi pak më parë opozitën për tensionet në Kuvend, duke thënë se aktet e tyre janë referuar në prokurori dhe se deputetët rrezikojnë të dënohen deri në 5 vite burg. 

Për këtë deklaratë të Ballës ka reaguar kreu i Grupit Parlamentar të PD-së, Gazment Bardhi.

Ky i fundit përmend disa nga aferat e qeverisë dhe deklaron se socialistët nuk duhet të ankohen për protestat e opozitës, por duhet të hetojë korrupsionin me koncesionet.

Bardhi thekson se Parlamenti nuk mund të jetë skenë krimi permanente ku mazhoranca miraton ligje me porosi dhe nuk lejon opozitën të ushtrojë të drejtën e saj.

“Edi Rama dhe Taulant Balla i kanë vënë zjarrin Shqipërisë prej 10 vitesh dhe e kanë shndërruar prej kohësh sallën e seancave plenare në një skenë krimi, ku kalohen ligje korruptive për të favorizuar përfaqësues të krimit të organizuar apo ortakët e tyre në biznes.

Vetëm me kontratën e koncesionit të sterilizimit gjykata dhe prokuroria e posaçme kanë konstatuar se kanë vjedhur plot 60 milionë euro. Vetëm me zgjatjen e afatit të ligjit për investimet strategjike i siguruat më shumë para një përfaqësuesi të krimit të organizuar në Shkodër që sot është në burg se ka urdhëruar vrasje. Vetëm me ndryshimet e ligjit të koncesioneve i hapën rrugë vjedhjes së milona eurove me kontratat e inceneratorëve sipas interesit të Klodian Zotës dhe Mirel Mërtirit. Këto janë skena krimi që kanë nevojë të hetohen nga drejtësia, jo karriget e opozitës në foltoren e Kuvendit.

Boll u fshehët pas Gardës dhe boll u ankuat për protestën e opozitës në Parlament që shpreh mospajtimin me këto çështje. Interesi i qytetarëve e kërkon që aferat korruptive të Qeverisë Rama-Balla të hetohen, nga Parlamenti dhe nga drejtësia. Përmes mohimit të hetimit parlamentar, ju po kërkoni të shpëtoni nga transparenca dhe llogaridhënia, me besimin se do shpëtoni edhe nga drejtësia!

Parlamenti nuk mund të jetë skenë krimi permanente ku ju miratoni ligje me porosi dhe më pas nuk lejoni opozitën të ushtrojë të drejtën e saj të kontrollit parlamentar mbi zbatimin e këtyre ligjeve. Kthimi në normalitet i Parlamentit kalon përmes respektimit të Kushtetutës. Në të kundërt, ju do të vazhdoni ta trajtoni Kuvendin si sallë ku votoni për të pasuruar veten dhe varfëruar shqiptarët”, nënvizon deputeti i PD-së./ CNA





Lajmet e fundit nga