web counter
LEXO PA REKLAMA!

SHKARKO APP

App Store
Google Play

E fundit!

x

Rama mblodhi Asamblenë në Shkodër/ Spahia: Fuqia e tij jo tek socialistët, por tek bandat

4 Dhjetor 2023, 20:35, Politikë CNA

Rama mblodhi Asamblenë në Shkodër/ Spahia: Fuqia e tij jo tek

Ish-kryebashkiaku i Shkodrës, Bardh Spahia ka reaguar pasi kryeministri, Edi Rama mbajti Asamblenë e Partisë Socialiste në Shkodër.

Ai thotë se fuqia e Ramës në Shkodër nuk ka qenë asnjëherë tek socialistët, por tek bandat.

Spahia thotë se pa bandat e veta, pa bërjen njësh të shtetit me partinë dhe krimin, Edi Rama është askushi në Shkodër!

“Ne nuk do të heqim dorë asnjëherë për ta provuar këtë!”, shkruan Spahiu në rrjetet sociale.

Postimi i plotë:

Nuk janë këto mbledhjet e vërteta të Edi Ramës në Shkodër. Fuqia e tij në Shkodër nuk ka qenë asnjëherë tek socialistët, por tek bandat.

Zgjedhjet në Shkodër nuk i fiton PS. Ato i blen krimi i organizuar, të cilin Edi Rama e ka mbrojtur, e ka ushqyer me tendera, i ka dhënë pushtet dhe e ka shpallur investitor strategjik.

Tashmë e kemi provuar me foto dhe me video, përtej çdo dyshimi, se Shkodra sundohet nga krimi. Se ditën e zgjedhjeve, ishin ata që përfaqësonin PS dhe Edi Ramën në Shkodër.

Në të vërtetë, janë ata që sot kanë pushtetin, megjithëse zyrtarisht nuk marrin pjesë në inspektime fasadash të vonuara, por kanë përfaqësuesit e tyre në kryesi e në mbledhjet e partisë shtet të Edi Ramës.

Sa për premtimet për investime politike të vonuara në Shkodër, nuk ka asgjë më demaskuese për Edi Ramën që për 10 vjet u mohoi shkodranëve disa projekte zhvillimi, vetëm e vetëm se nuk i ishin nënshtruar pushtetit kriminal të kryeministrit.

Çfarëdo të bëjë për Shkodrën, nuk do të mbulojë dot kriminalizimin, kanabizimin, varfërimin, ç'popullimin dramatik dhe persekutimin politik e ekonomik dhjetëvjeçar që i bëri qytetit tonë!

Pa bandat e veta, pa bërjen njësh të shtetit me partinë dhe krimin, Edi Rama është askushi në Shkodër!

Ne nuk do të heqim dorë asnjëherë për ta provuar këtë!





Lajmet e fundit nga