web counter
LEXO PA REKLAMA!

SHKARKO APP

App Store
Google Play

“Vrasja e Liridonës, skenar i dobët”/ Ish-prokurori: Tre tipologjitë e autorëve që kryejnë vrasje në familje

5 Dhjetor 2023, 22:13, Aktualitet CNA
“Vrasja e Liridonës, skenar i dobët”/ Ish-prokurori: Tre
Liridona Ademaj dhe Naim Murseli

Ish-prokurori Eugen Beci e ka quajtur skenar të dobët organizmin e Naim Murselit për të vrarë gruan e tij Liridona Ademaj.

Beci është shprehur se që në momentet e para që është njohur me ngjarjen ka kuptuar se diçka nuk shkonte dhe se nuk kishte të bënte me një grabitje, pasi në këto raste grabitësit nuk përdorin armët aq më pak mbi femrat.

Ish-prokurori ka deklaruar se në “Open” se,  deri më sot nëpërmjet elementëve të veprimeve në vendngjarje, motivi është pjesë e hetimi që mund të marrë disa muaj.

 “Organet ligjzbatuese në Kosovë janë treguar shumë profesional. Nga pikëpamja ligjore është një vrasje në familje, duhet të diskutojmë vrasjet në familje. Mënyra si është ngritur skenari, alibija, është shumë e dobët. Personi që është i dyshuari kryesor, është munduar të ngrejë një alibi. Deklarimet e familjarëve mund të merren me rezerva, deklaratat e tyre nëpër media. Nuk kanë vlerë deklarimet. Deri më sot nëpërmjet elementëve të veprimeve në vendngjarje, motivi është pjesë e hetimi që mund të marrë disa muaj. Për motivin është në diskrecionin e tre personave të përfshirë. Kur dëgjova lajmet krijova bindjen që nuk është grabitje, sepse grabitësit asnjëherë nuk rrezikojnë të përdorin armët, por vetëm në raste ekstreme. I vetmi mashkull në atë vendngjarje  nuk reagoi dhe u largua, dhe pastaj të gjesh gruan e vdekur, ka diçka që kërcet këtu”, tha ai.

Beci gjithashtu ka treguar se cilat janë tre tipologjitë të autorëve që kryejnë vrasje në familje.

“Duhet theksuar se vrasjet në familje kanë tre tipologji autorësh, ata që pendohen menjëherë dhe kryejnë vetëvrasje, i dyti pendohen por nuk kanë guxim të vrasin veten por dorëzohen, dhe rasti i tretë duke u viktimizuar. Ky i fundit zakonisht ndihmon organet që të zbulojnë vrasjet në familje. Ka pasur raste që vrasje në familje tentohen të kamuflohet si vrasje aksidentale ose si helmim…”, është shprehur ish prokurori./ CNA





Lajmet e fundit nga