web counter
LEXO PA REKLAMA!

SHKARKO APP

App Store
Google Play

E fundit!

x

Liridona dhe Naim Murseli aplikuan për divorc/ Del dokumenti, pse u pushua çështja në Suedi

5 Dhjetor 2023, 14:33, Aktualitet CNA

Liridona dhe Naim Murseli aplikuan për divorc/ Del dokumenti, pse u pushua

Opinioni publik është tronditur nga ngjarja në Kosovë, ku mbeti e vrarë Liridona Ademaj Murseli. Dyshohet se porositësi i vrasjes është bashkëshorti i saj, Naim Murseli, ish-këshilltari i Behgjet Pacollit.

Ai u përpoq të mbulonte gjurmët duke u shprehur se Liridona u vra nga një grabitës, i cili i ndaloi në rrugë kur udhëtonin me fëmijët.

Ndërkaq, autori Granit Plava tha se për kryerjen e vrasjes është paguar 30 mijë euro nga bashkëshorti i viktimës.

Ekzistojnë dyshime të forta se krimi u porosit nga bashkëshorti për shkak të sigurimit të jetës së Liridonës në një kompani suedeze.

Në rrjet ka qarkulluar edhe një lajm se çifti kishin aplikuar për divorc në Suedi në vitin 2019.

Mediat në Kosovë kanë publikuar sot kërkesën e dorëzuar nga dyshja në Gjykatën e Qarkut të qytetit Uddevalla.

Por divorci nuk u krye për shkak se asnjëra palë nuk u paraqit në gjykatë brenda afatit 6-mujor dhe në 24 shkurt të vitit 2020 është pushuar çështja nga procedimi i mëtejshëm.

“Më 31 janar 2019, Liridona Murseli dhe Naim Murseli kanë dorëzuar një deklaratë të përbashkët divorci. Gjykata e Qarkut vendosi që divorcit t’i paraprihet një periudhë shqyrtimi prej të paktën gjashtë muajsh dhe maksimumi një vit. Në lidhje me vendimin, gjykata e rrethit njoftoi palët se mund të kërkonin me shkrim ndarjen brenda afatit të caktuar. Asnjë kërkesë për vendim për divorc nuk ka mbërritur në gjykatën e rrethit. Çështja e ndarjes ka rënë. Gjykata e Qarkut e pushon çështjen nga procedimi i mëtejshëm”, thuhet në dokument./ CNA

Liridona dhe Naim Murseli aplikuan për divorc/ Del dokumenti, pse u pushua





Lajmet e fundit nga