web counter
LEXO PA REKLAMA!

SHKARKO APP

App Store
Google Play

E fundit!

x

Berisha nuk zbaton urdhrat e Gjykatës/ Hoxha: Po të ishte qytetar i thjeshtë do e çonin në kokërr të burgut

4 Dhjetor 2023, 22:58, Aktualitet CNA
Berisha nuk zbaton urdhrat e Gjykatës/ Hoxha: Po të ishte qytetar i
Artan Hoxha dhe Sali Berisha

Gazetari Artan Hoxha në emisionin “Të Paekspozuarit” me Ylli Rakipin ka folur për vendimet e gjykatës për ish kryeministrin Sali Berisha dhe se si lideri i opozitës nuk është paraqitur asnjëherë të vetme ndonëse masa e vendosur nga autoritetet është që ai të paraqitet dy herë në muaj para oficerit të policisë gjyqësore.

Hoxha është shprehur se nëse një qytetar i thjeshtë do të injoronte në mënyrë të tillë vendimet e gjykatës, do ta çonin në burg.

Sipas gazetarit Prokuroria duhet të reagojë, pasi nuk po ekzekutohet vendimi i gjykatës.

"Berisha duhet të paraqitej në orën 10:00 para oficerit gjyqësor.  Kjo është hera e tretë që nuk paraqitet.

Ai nuk po paraqitet, cila është zgjidhja? Nëse një qytetar do të bënte këtë, do ta merrnin për leckash dhe do ta çonin në kokërr të burgut. As SPAK dhe as gjykata nuk po vepron.

Berisha po e teston dhe po jep edhe mesazh. Ai nuk po i bindet një vendimi. Fakti që nuk po paraqitet e ka vënë në ngërç. Prokuroria duhet të reagojë, nuk po ekzekutohet vendimi i gjykatës. Ai nuk po zbaton ligjin.

Ose gjykata duhet të heqë dorë nga kjo masë dhe mos na lodhin kot me këtë reformën që po bën namin… Ose pastaj të venë dhe të zbatojnë ligjin.

Berisha jo vetëm nuk shkon, por ju bën biografinë prokurorëve të SPAK-ut. Këta janë squkur atje…", tha Hoxha./ CNA





Lajmet e fundit nga