web counter
LEXO PA REKLAMA!

SHKARKO APP

App Store
Google Play

Sokol Ngresi, gjyqtari që njeh vetëm skandale në krye të KED-së

4 Dhjetor 2023, 13:57, Aktualitet CNA
Sokol Ngresi, gjyqtari që njeh vetëm skandale në krye të
Sokol Ngresi

Sokol Ngresi u zgjodh këtë të hënë kryetar i Këshillit të Lartë të Drejtësisë me shortin e hedhur në Presidencë.

Ngresi, që prej 2 qershorit të 2022-shit, është gjyqtar në Gjykatën e Lartë. Më herët ai ka qenë edhe gjyqtar në Shkallën e Parë dhe në Apelin e Vlorës.

Gjyqtari, që tashmë është zgjedhur në krye të KED-së, është denoncuar për 3 skandale.

Skandali i parë ka të bëjë me një firmën fiktive të hedhur nga gjyqtari Sokol Ngresi, në një vendim gjyqësor në emër të një gjyqtari tjetër që nuk ndodhej në Shqipëri, në çështjen civile me nr.683 vendimi, i datës 23.12.2005.

Ai ia hodhi fajin sekretares gjyqësore, e cila rezultonte punëtore mirëmbajtjeje në emërtesë.

Në një relacion të Ministrisë së Drejtësisë, ku kërkohej shkarkimi i Ngresit, thuhej se dy gjyqtarët Gjinovefa Gaba dhe Sokol Ngresi, kanë firmosur fiktivisht për praninë e gjyqtarit relator.

Skandali i dytë ka të bëjë me vendimin gjyqësor të marrë nga Ngresi kur ishte gjyqtar i Apelit. Ai la të lirë biznesmenin Arben Gropa, allias Vangjel Zijaj, që shfrytëzoi rastin të arratisej.

Qëllimi i këtij arrestimi ishte bërë me qëllim ekstradimin e tij drejt Italisë, ndërkohë pas disa ditësh Gjykata e Apelit Vlorë nëpërmjet Sokol Ngresit, vendosi të lirojë Arben Gropën. Gjatë kësaj kohe ndaj Gropës, po zhvillohej një proces gjyqësor në Fier, për miratimin ose jo të kërkesës së autoriteteve italiane për ekstradimin e Gropës.

CNA raportoi asokohe se inspektimi përfundoi me procedim disiplinor ndaj gjyqtarit.

Skandali i tretë ka të bëjë me 50 mijë euro, për të cilat Ngresi ka çuar në burg dadon e shtëpisë me pretendimin se ia ka vjedhur ajo.

CNA mësoi se Ngresi, përveçse e ka akuzuar punonjësen e shtëpisë, ai dyshohet se e shfrytëzonte edhe në të zezë.

Skandali përforcohej më shumë pasi nuk dihej burimi i 50 mijë eurove që gjyqtari mbante në shtëpi dhe se përse nuk i kishte deklaruar në institucionet bankare.

Tashmë me apartamentin e fshehur radhiten katër skandale që lidhen me emrin e gjyqtarit Sokol Ngresi.

Skandali i katërt ka të bëjë me blerjen e një apartamenti nga gjyqtari Ngresi.

CNA siguroi ekskluzivisht në korrik të 2021-shit kontratën së bashku me mandatet që faktojnë kryerjen e pagesave për blerjen e tij.

Ngresi bleu në vitin 2014 nga shoqëria “AFA Konstruksion” sh.p.k., në vlerën 68 mijë euro një apartament me sipërfaqe 113,43 m2 në qytetin e Vlorës.

Mandatet e arkëtimit mbajnë firmën e vetë gjyqtarit, me nënshkrim origjinal, por pavarësisht kësaj, nuk janë deklaruar në asnjë moment nga ana e tij.

Këto janë disa nga skandalet e gjyqtarit Ngresi, i cili tashmë do të jetë në krye të Këshillit të Emërimeve në Drejtësi për vitin 2024./ CNA

Sokol Ngresi, gjyqtari që njeh vetëm skandale në krye të

Sokol Ngresi, gjyqtari që njeh vetëm skandale në krye të





Lajmet e fundit nga