web counter
LEXO PA REKLAMA!

SHKARKO APP

App Store
Google Play

E fundit!

x

Ambasadori i Shqipërisë në Zvicër vishet me kostum tradicional

3 Dhjetor 2023, 20:51, Aktualitet CNA

Ambasadori i Shqipërisë në Zvicër vishet me kostum

Mustafa Nano, ambasadori i Shqipërisë në Zvicër me rastin e festive të Nëntorit ai është veshur me kostum popullor.

Këtë kostum tradicional Nano e veshi në një aktivitet të zhvilluar një ditë më parë në në Bernë, me rastin e 111-vjetorit të Shpalljes së Pavarësisë së Shqipërisë.

Ky event mblodhi ambasadorë dhe përfaqësues të ambasadave në Zvicër, përfaqësues nga institucionet zvicerane, shoqatave dhe komunitetit shqiptar në Zvicër, si dhe personalitete të ndryshme.

Mustafa Nano u paraqit me një veshje tradicionale shqiptare.

“Dua t’ju them disa fjalë për veshjen kombëtare shqiptare, i bindur se kjo është një mënyrë e mirë për të nderuar ditën që po festojmë, Ditën e Pavarësisë së Shqipërisë. Çfarë kam veshur sonte, është e jugut, prej nga vij unë vetë, Por mund të ishte e çdo treve tjetër shqiptare. Më besoni se, kur vendosa të vishesha me një kostum kombëtar, nuk dija cilin të zgjidhja më parë. Kostumet shqiptare janë të llojeve të ndryshme, dhe njëri është më i bukur se tjetri”, u shpreh Nano për veshjen e tij para të ftuarve.

Ai ka treguar për të ftuarit se nuk është hera e parë që një diplomat veshiet me kostumin tradicional pasi këtë e ka bërë më herët Faik Konica.

“Një shqiptari të madh me emrin Faik Konica duhet t’i ketë mbetur në mendje veprimi i Alexandre Dumas-it. Në vitin 1913, në SHBA, ai shkoi në një ballo të organizuar nga ambasada austro hungareze i veshur me kostumin etnik të jugut të Shqipërisë. Por për Konicën gjërat nuk shkuan ashtu si shkuan për Dumas-in. Asnjë grua nuk iu vardis atë mbrëmje (Ju lutem, nuk dua të lindë ndonjë keqkuptim; unë vetë nuk jam veshur shqiptarçe për t’i marrë mendjen ndonjë gruaje; plani im është tjetër; unë jam në përpjekje të vazhdueshme për t’u fituar zemrën bashkatdhetarëve, të cilët m’i njohin të gjitha llojet e kredencialeve, por jo ato patriotike; me këtë shoë, ndoshta i bëj që të ndryshojnë mendim për mua). Asnjë grua pra nuk iu vardis Konicës atë mbrëmje. “Iu vardis” një burrë, sidoqoftë. Një burrë me pamje të murrëtyer. Ishte ambasadori grek, i cili kishte shquar në shfaqjen e Konicës një si cultural appropriation. “Rrobat që ke veshur, zotrote, nuk janë shqiptare; janë greke”, tha ai. Por Konica iu kthye, siç dinte ai. Dhe u hëngrën me fjalë. I mprehën mirë qetë. Siç kanë bërë prore e siç bëjnë sot e gjithë ditën ballkanasit. Ju e dini, ne kacafytemi krejt pa arsye, e jo më mbi autorësinë e një kostumi, si ky që po shihni.”, tregoi Nano mes të tjerash./ CNA





Lajmet e fundit nga