web counter
LEXO PA REKLAMA!

SHKARKO APP

App Store
Google Play

E fundit!

x

Kryekomisari Pasho, koordinator me policinë e Kosturit/ Si përfitonte nga posti, bashkëpunimi me trafikantët

3 Dhjetor 2023, 13:06, Aktualitet CNA

Kryekomisari Pasho, koordinator me policinë e Kosturit/ Si përfitonte

CNA ka zbuluar të tjera detaje për kryekomisarin Stiljan Pasho, ish-Shefin e Sektorit të Kufirit në Korçë, i cili u la në burg nga Gjykata e Korçës.

Burime kanë bërë të ditur për CNA se Stiljan Pasho ishte edhe koordinator me policinë e Kosturit.

Ai merrte informacione nga policia e Kosturit për personat që kjo e fundit kishte evidentuar se kryenin trafikim droge.

Kryekomisari qëndronte i informuar për personat me të cilët bashkëpunonte, ndërkohë që policia e Kosturit nuk kishte dijeni për dekonsiprimin nga ana e Pashos.

Ish-Shefi i Sektorit të Kufirit në Korçë, duke përfituar nga pozicioni që kishte, ndihmoi Lorenco Likën dhe Ervin Ibin të kalonte mjetin me drogë pa iu nënshtruar kontrollit në doganën e Kapshticës.

Kjo ndërhyrje e dërgoi në pranga, pasi CNA ka mësuar se Stiljan Pasho ishte nën mbikëqyrje nga AMP.

Ka rezultuar se ky nuk ishte i vetmi rast që kryekomisari përfitonte nga pozicioni që kishte. CNA ka mësuar se edhe në raste të tjera ai ka urdhëruar vartësit e tij të mos ushtrojnë kontrolle në doganë.

CNA publikoi sot dy video ekskluzive të datave 19 nëntor dhe 27 nëntor, ku shihet qartë se zyrtari i policisë nuk lejon punonjësit e policisë së doganës që të afrohen për të kontrolluar makinën dhe nëpërmjet shenjave lejon mjetin të kalojë kufirin.

Kujtojmë se Stiljan Pasho u arrestua më 30 nëntor nga Agjencia e Mbikëqyrjes Policore dhe më 1 dhjetor Policia e Shtetit njoftoi se e kishte përjashtuar nga strukturat.

Tashmë ai do të përballet me drejtësinë për veprën penale “Trafikim i narkotikëve”.

Nga ana tjetër, mësohet se autoritetet greke kanë lënë në burg Lorenco Likën dhe shoqëruesin e tij Ervin Ibi, të cilët u kapën me 26 kilogramë kanabis.

Në pak muaj do të fillojnë seancat e tjera të gjykimit për dy shqiptarët./ CNA





Lajmet e fundit nga