LEXO PA REKLAMA!

SHKARKO APP

Ndihmoi një person të trafikonte drogë në Greqi/ Lihet në burg kryekomisari Stiljan Pasho

3 Dhjetor 2023, 10:31, Kronika CNA

Ndihmoi një person të trafikonte drogë në Greqi/ Lihet

Stiljan Pasho, ish-Shefi i Sektorit të Kufirit, në Drejtorinë Vendore për Kufirin dhe Migracionin Korçë, ka dalë këtë të diel para trupës gjykuese.

Mësohet se ndaj tij është caktuar masa e sigurisë “Arrest me burg”. 53-vjeçari u arrrestua më 30 nëntor nën akuzën për trafikim të lëndëve narkotike.

Pasho ndihmoi Lorenco Likën të transportonte drogë drejt Greqisë pa iu nënshtruar kontrollit kufitar në automjetin e tij.

Gjithashtu ai ka urdhëruar edhe vartësit e tij që të mos ushtrojnë kontroll.

Burime thanë për CNA.al se Kryekomisari Pasho ka shoqëruar Lorenco Likën nga Shqipëria dhe ka kaluar me të edhe kufirin grek. 

Pasi kanë hyrë në tokën greke, shefi i policisë kufitare është larguar nga mjeti.

Në makinën që drejtohej nga Lorenco Lika u gjetën nga policia e shtetit fqinj 26 kilogramë me kanabis të papërpunuar.

Një ditë pas arrestimit, më 1 dhjetor, Policia e Shtetit përjashtoi Stiljan Pashon nga strukturat e saj./ CNA

Lajmet e fundit nga