LEXO PA REKLAMA!

SHKARKO APP

Vrasja e Liridona Murselit/ Kapen dy persona në Kosovë

1 Dhjetor 2023, 17:16, Kronika CNA

Vrasja e Liridona Murselit/ Kapen dy persona në Kosovë

Dy persona kanë rënë në prangat e policisë së Kosovës për vrasjen e Liridona Murselit, gruas së ish-këshilltarit të Behgjet Pacollit, Naim Murseli.

Lajmin e ka konfirmuar zëdhënësja e Policisë së Kosovës për Rajonin e Prishtinës, Flora Ahmeti.

“Pas përfundimit të ekzaminimit të vendit të ngjarjes, janë ndërmarrë veprime intensive hetimore të cilat kanë rezultuar në arrestimin e dy personave të dyshuar lidhur me rastin”, tha Ahmeti për mediat në Kosovë.

Gjithashtu, ajo bëri të ditur se policia po bastis dy banesa me vendndodhje në Gjakovë. Sakaq, po vijojnë hetimet për zbardhjen e vrasjes.

Kujtojmë se krimi i rëndë ndodhi dy ditë më parë, teksa Naim Murseli, ish-këshilltari i Behgjet Pacollit, po udhëtonte me gruan dhe 2 fëmijët në rrugën “Dalip Alshiqi” në Prishtinë. Gjithë familja ranë pre e një grabitjeje.

Pasi grabitësit morën sendet me vlerë që kishin me vete e qëlluan me armë nënën e re./CNA

Lajmet e fundit nga