web counter
LEXO PA REKLAMA!

SHKARKO APP

App Store
Google Play

E fundit!

x

E rëndë në Kavajë/ 52-vjeçari tenton të vrasë me sëpatë një person, pronari i lokalit prish provat

30 Nëntor 2023, 11:44, Kronika CNA
E rëndë në Kavajë/ 52-vjeçari tenton të
Foto ilustruese

Një 52-vjeçar është arrestuar nga policia pasi ka tentuar të vrasë me sëpatë një 33-vjeçar në ambientet e një lokali në Kavajë.

52-vjeçari me iniciale A.P., pas një konflikti për motive banale, ka tentuar të vrasë I.GJ., 33 vjeç, duke e goditur këtë të fundit me sëpatë në kokë, ndërsa pronari i lokalit ka tentuar të fshehë këtë ngjarje duke prishur provat.  

I.Gj. është dërguar për ndihmë mjekësore në Spitalin e Traumës në Tiranë, ku ndodhet jashtë rrezikut për jetën, ndërsa pronari i lokalit me qëllim mbrojtjen e A.P. ka dhënë dëshmi të rreme në polici duke thënë se 33-vjeçari ka rënë nga shkallët.

Policia ka sekuestruar sëpatën si dhe 2 celularë në të cilët dyshohet se luheshin lojëra fati brenda ambienteve të lokalit.

“Shërbimet e Komisariatit të Policisë Kavajë, menjëherë pas marrjes së njoftimit për një konflikt mes 2 shtetasve, në një lokal, në lagjen nr. 4, Kavajë, kanë organizuar punën për zbardhjen e rrethanave të konfliktit dhe identifikimin e shtetasve të përfshirë. Nga veprimet hetimore ka rezultuar se shtetasi A. P., gjatë një konflikti për motive të dobëta, në lokalin në pronësi të shtetasit E. D., ka tentuar të vrasë shtetasin I. Gj., 33 vjeç, banues në Kavajë, duke e goditur me mjet prerës (sëpatë), në kokë. 33-vjeçari, pas mjekimit në spitalin e Durrësit, është dërguar për mjekim të specializuar në spitalin e Traumës, Tiranë.  Në vijim të veprimeve procedurale për këtë rast u arrestuan në flagrancë shtetasit:  A. P., 52 vjeç, banues në Kavajë, për veprën penale “Vrasja me dashje”, mbetur në tentativë;   

E. D., 44 vjeç, banues në Kavajë pronari i lokalit ku ka ndodhur konflikti, për veprat penale “Përkrahja e autorit të krimit” dhe “Organizmi ose ushtrimi i veprimtarive të lojërave të fatit në kundërshtim me ligjin”. Pas konfliktit në lokalin e tij, ky shtetas ka prishur vendin e ngjarjes, ndërsa kur është marrë në pyetje nga oficeri i Policisë, ka deklaruar se shtetasi I. Gj. ishte dëmtuar pasi ishte rrëzuar nga shkallët. Gjatë kontrollit në celularin e shtetasit E. D., shërbimet e Policisë kanë gjetur të hapura faqe që shërbejnë për lojëra fati” – thuhet në njoftimin e policisë./CNA

 





Lajmet e fundit nga