web counter
LEXO PA REKLAMA!

SHKARKO APP

App Store
Google Play

Detaje nga aksidenti ku humbi jetën vajza e Vangjel Tavos/ Makina "Audi" përfundoi jashtë rruge, në gjendje të rëndë shoferi

29 Nëntor 2023, 13:00, Kronika CNA
Detaje nga aksidenti ku humbi jetën vajza e Vangjel Tavos/ Makina
Vangjel Tavo

Detaje të reja kanë dalë nga aksidenti tragjik në Maqedoninë e Veriut, ku humbi jetën vajza e ish-deputetit, Vangjel Tavo, Evanthia Tavo.

Aksidenti i rëndë ka ndodhur mesditën e djeshme në autostradën “Nënë Tereza” në drejtim nga Tetova për në Shkup. Mësohet se makina "Audi" me targa të Shqipërisë, që po drejtohej nga një 40-vjeçar ka dalë nga rruga. 24-vjeçarja, Evanthia Tavo e cila ishte pasagjere në makinë nuk ka mundur t'u shpëtojë plagëve të marra dhe ka ndërruar jetë në vendin e ngjarjes. Shoferi ndodhet në gjendje të rëndë. 

 

“Me datë 28.11.2023, në ora 14:00 në SPB-Shkup është raportuar se në autostradën “Nënë Tereza” në drejtim nga Tetova për në Shkup, në rajonin e fshatit Llaskarcë, automjeti i pasagjerëve “Audi” me targa të Shqipërisë, që po drejtohej nga shtetasi shqiptar V. M. (40), ka dalë nga rruga. Nga plagët e marra në aksident, pasagjerja E.T.(24) nga Republika e Shqipërisë ka ndërruar jetë në vend, ndërsa mjeku i Emergjencave Mjekësore ka konstatuar vdekjen e saj. Ndërsa, i plagosur rëndë ka mbetur shoferi V.M.” – thuhet në njoftimin e autoriteteve maqedonase. 

Lajmin e trishtë e ka ndarë vetë në rrjetet sociale ish-deputeti. Vajza e re do të dërgohet në banesën e fundit ditën e enjte ora 11:00./CNA

 

 





Lajmet e fundit nga