web counter
LEXO PA REKLAMA!

SHKARKO APP

App Store
Google Play

Sekuestrohen 13.8 kg kanabis në lumin Kir, tre të arrestuar

27 Nëntor 2023, 10:48, Kronika CNA
Sekuestrohen 13.8 kg kanabis në lumin Kir, tre të arrestuar
Cannabisi i sekuestruar

13.8 kilogramë kanabis sativa dhe sende për përpunimin e saj janë sekuestruar nga policia në afërsi të lumit Kir. 

Për këtë sasi narkotikësh, por edhe për operacionin e gushtit ku u asgjesuan 10274 bimë kanabis në fshatrat Kir e Pult, autoritetet kanë identifikuar 9 anëtarë të grupit kriminal dhe kanë vënë në pranga 3 prej tyre.

9 personat e arrestuar, vepronin si një grup i organizuar ku kultivonin dhe prodhonin lëndë narkotike kanabis sativa, në fshatra të ndryshme në Malësinë e Shkodrës.

"Nga kontrollet, shërbimet e Policisë gjetën në një banesë të pabanuar, në afërsi të lumit Kir, dhe sekuestruan në cilësinë e provës materiale, rreth 13.8 kg lëndë narkotike cannabis sativa dhe sende për përpunimin e lëndës, që posedoheshin nga këta 9 shtetas, të cilët u identifikuan dje, si rezultat i hetimeve intensive të ndjekura proaktivisht, në bashkëpunim me Prokurorinë e Shkodrës. Në vijim të veprimeve procedurale për rastin, u vunë në pranga 3 nga pjesëtarët e grupit kriminal dhe vijon puna për kapjen e 6 të tjerëve.

Gjithashtu, nga hetimet ka rezultuar se këta shtetas të organizuar si grup, kishin kultivuar 10 274 bimë cannabisi, në fshatrat Kir dhe Pult, veprimtari kriminale e cila u shkatërrua nga Policia e Shkodrës, në gusht të këtij viti, si rezultat i fazës së 12-të të megaoperacionit “Alpe të pastra”.- thuhet në njoftimin e Policisë./CNA

 





Lajmet e fundit nga