web counter
LEXO PA REKLAMA!

SHKARKO APP

App Store
Google Play

E fundit!

x

Aksioni i Europol në 26 vende, shpëtohen tre fëmijë nga abuzimi seksual

25 Nëntor 2023, 10:20, Kronika CNA
Aksioni i Europol në 26 vende, shpëtohen tre fëmijë nga
Europol

Tre fëmijë, viktima të abuzimit seksual, janë identifikuar dhe marrë në mbrojtje pas një aksioni të Europol e Interpol, ndërsa janë arrestuar edhe dy autorë.

Po ashtu për këtë aksion janë angazhuar 33 specialistë nga 26 vende të ndryshme.

Operaconi u krye në kuadër të edicionit të 13-të të Task Forcës për identifikimin e Viktimave të Europolit dhe është një nismë e Europol-it që synon identifikimin e viktimave dhe shkelësve të paraqitur në materialet e abuzimit seksual të fëmijëve.

Prej vitit 2014, Europol ka mbledhur rregullisht ekspertë të identifikimit të viktimave nga e gjithë bota për t'u fokusuar në rastet e pazgjidhura të abuzimit seksual të fëmijëve. Mbi 695 fëmijë janë mbrojtur dhe 228 shkelës janë arrestuar si rezultat i operacioneve.

Ky operacion që u shtri në disa vende si  Australia, Belgjika, Bullgaria, Kanadaja, Çekia, Danimarka, Estonia, Franca, Gjermania, Irlanda, Italia, Letonia, Malta, Moldavia, Holanda, Norvegjia, Polonia, Portugalia, Rumania, Sllovakia, Sllovenia, Spanja, Suedia, Zvicra, Mbretëria e Bashkuar , Shtetet e Bashkuara

Europol ka bërë thirrje që përmes një faqeje zyrtare si https://www.europol.europa.eu/stopchildabuse qytetarët mund të shohin nëse njohin ndonjë veçori ose individ të identifikueshëm në imazhet e publikuara prej kësaj agjencie.

Europol publikon periodikisht seri të reja fotografish që përmbajnë detaje jokonfrontuese të imazheve të nxjerra nga rastet e abuzimit seksual të fëmijëve me shpresën se dikush do të njohë një detaj që do të ndihmojë në gjetjen e vendndodhjes së viktimës./CNA





Lajmet e fundit nga