web counter
LEXO PA REKLAMA!

SHKARKO APP

App Store
Google Play

E fundit!

x

Zbardhen bisedat në Sky Ecc/ Si u kërcënua oficeri i Shërbimit Informativ nga Bujar Ajeti: Të q* fëmijë e ça të kesh

23 Nëntor 2023, 11:35, Kronika CNA
Zbardhen bisedat në Sky Ecc/ Si u kërcënua oficeri i
Foto ilustruese

Detaje të tjera kanë dalë nga dosja hetimore e SPAK-ut për 11 urdhër-arrestet e lëshuara për grupin kriminal të trafikut të drogës nga Amerika Latine drejt Evropës. 

Mes 4 personave të arrestuar është edhe ish-nëndrejtori i Policisë së Tiranës, Erzen Breçani, dhe shefi i krimeve në komisariatin nr.6 në Tiranë, Dedan Gjoni, ku në dosjen hetimore tregohet mënyra se si transportoheshin telefonat e posaçëm të koduar dhe madje janë zbardhur edhe bisedat në to. 

Hetuesit e SPAK-ut kanë mundur të zbardhin bisedat në Sky Ecc mes Ismail Zenelit dhe Bashkim Sadrisë. Zeneli i shpreh shqetësimin Sadrisë për bllokimin e këtyre telefonave në doganë.

“…O mik si tkam nuk te kam than gjo se te prit ha sot ha neser per tel…I ka bllokue dogana mik…E per at pune…Smund te kam than gjo…Jan tel ne shipni o mik po i ka majt dogana…”, thotë Ismail Zeneli. 

Po ashtu në të njëjtat biseda tregohet edhe mënyra se si Bujar Ajeti nga Kukësi, kërcënon një punonjës të Shërbimit Informativ pikërisht për këtë problem që i është hapur grupit me bllokimin e telefonave.

"Erdh ai Luani po pra, për kry të fëmijëve i thash ti q* fmi e ça ke do ta thej kapak e kreve i thash, robq*r, e ke bo i dom i thash e di mirë ku e ke bo i thash po mos kujto se, jo unë kam letra për Amerikë tha, mi gëzosh ato letra thash deri atëherë ku i dihet thash…", shprehet Bujar Ajeti.

Gjatë aksionit me urdhër të SPAK-ut janë arrestuar: Erzen Breçani, ish-zv.drejtori i Policisë së Tiranës, Dedan Gjoni, Shefi i Krimeve në Komisariatin numër 6, Besmir Murati dhe Bujar (Ajazi) Germizi, emër i njohur i botës së krimit në Kukës.

Masë "detyrim paraqitje" Gjykata e Posaçme ka vendosur ndaj Jonida Babametos, oficere e Drejtorisë së Kufirit dhe Emigracionit./CNA





Lajmet e fundit nga