web counter
LEXO PA REKLAMA!

SHKARKO APP

App Store
Google Play

E fundit!

x

Plani për eliminimin e dy vëllezërve për hakmarrje/ Roli i shefit të hetimit të krimeve

22 Nëntor 2023, 10:11, Kronika CNA
Plani për eliminimin e dy vëllezërve për hakmarrje/ Roli i
Shefi i hetimit të krimeve në komisariatin e Policisë numër 6 në Tiranë, Dedan Gjoni

Një operacion i zhvilluar me urdhër të SPAK-ut mbrëmjen e 20 nëntorit vuri në pranga disa persona, mes të cilëve edhe shefin e hetimit të krimeve në komisariatin e Policisë numër 6 në Tiranë, Dedan Gjoni.

Gazetarja Klodiana Lala ka zbuluar detaje nga hetimet që dërguan pas hekurave shefin e hetimit të krimeve.

Dedan Gjoni ishte kontaktuar nga Ismail Zeneli, një nga personat në kërkim, i cili kishte porositur vrasjen e dy vëllezërve si hakmarrje pas vrasjes së vëllait të tij.

Sipas Lalës, Gjoni i ka siguruar Zenelit dhe Bujar Gërmizit, personit që kishte marrë përsipër vrasjen, të dhëna nga sistemi TIMS për vendndodhjen e vëllezërve.

Gjithashtu, gazetarja tregoi se shefi i hetimit të krimeve kishte gjurmuar edhe nënën dhe motrën e dy vëllezërve.

“Oficeri gjurmoi nënën dhe motrën e dy vëllezërve që ndodheshin në Britaninë e Madhe, duke u vënë edhe GPS. Duke kontrolluar të dhëna në sistemin TIMS, duke u marrë me ta. Por vrasja e tyre nuk kryhet sepse ata mesa duket e nuhatën nuk arritën dot të realizohej dhe ata u larguan. Dhe sot që ne flasim janë në Britaninë e Madhe me leje qëndrimi atje. Vëzhgimet janë bërë sa herë hynin në sistemin TIMS dhe Dedan Gjoni merrte të dhënat, janë vëzhguar në Shqipëri, merrte të dhënat, ia përcillte porositësit të ngjarjes dhe Gërmizit, dhe po ashtu bënte kontrollin me GPS të familjarëve të tij. Kjo ngjarje nuk u bë”, theksoi Lala.

Porositja e vrasjes u zbulua nga bisedat e zbardhura në aplikacionin Encrochat./ CNA





Lajmet e fundit nga