web counter
LEXO PA REKLAMA!

SHKARKO APP

App Store
Google Play

Lala zbardh tentativën për vrasje/ Ismail Zeneli porositi ekzekutimin e dy vëllezërve, donte të hakmerrej

22 Nëntor 2023, 09:55, Kronika CNA
Lala zbardh tentativën për vrasje/ Ismail Zeneli porositi ekzekutimin
Gazetarja Klodiana Lala

4 persona u vunë në pranga, 6 u shpallën në kërkim dhe një tjetër është lënë në detyrim paraqitje pas një operacioni të SPAK-ut, i cili kishte zbardhur ngjarje kriminale nga zbërthimi i bisedave në aplikacionet Sky dhe Encrochat.

Gazetarja Klodiana Lala ka treguar njërin nga krimet që kishin planifikuar personat, të cilët janë vënë nën hetim nga SPAK-u.

Lala tha se Ismail Zeneli, një person i shpallur në kërkim, kishte porositur për hakmarrje vrasjen e dy vëllezërve që jetonin në Britaninë e Madhe.

Sipas saj, vrasjen e kishte marrë përsipër ta kryente Bujar Gërmizi, i cili më pas e ka ndryshuar mbiemrin në Ajazi.

Gazetarja zbuloi se për të marrë informacione mbi vendndodhjen e vëllezërve, Zeneli ishte ndihmuar nga Dedan Gjoni, shefi i hetimit të krimeve në Komisariatin Nr.6, në Tiranë.

“Ismail Zeneli është një qytetar nga Kukësi, i cili prej vitesh ushtron aktivitet në fushën e narkotrafikut. Është një personazh jo shumë i njohur në Shqipëri me emër të ndryshuar. E ka ushtruar aktivitetin kryesisht në Mbretërinë e Bashkuar dhe në vitin 2013 i është vrarë vëllai. Për vrasjen janë arrestuar fillimisht dy vëllezër, të cilët më pas kanë marrë pafajësi. Në shenjë hakmarrje, ai mbërrin në Shqipëri, kontakton Dedan Gjonin, i cili është shef i hetimit të krimeve në Komisariatin Nr.6 dhe i kërkon informacion për hyrje-daljet e vëllezërve. Dhe vrasjen e këtyre vëllezërve e merr përsipër Bujar Gërmizi me ndihmën e oficerit të policisë”, theksoi Lala./ CNA





Lajmet e fundit nga