web counter
LEXO PA REKLAMA!

SHKARKO APP

App Store
Google Play

E fundit!

x

Arrestohet 17-vjeçari në Durrës, lëvizte i armatosur nëpër qytet

22 Nëntor 2023, 09:38, Kronika CNA
Arrestohet 17-vjeçari në Durrës, lëvizte i armatosur
Foto ilustruese

Policia e Durrësit ka arrestuar 17-vjeçarin me iniciale K.Gj., pasi lëvizte në qytet i armatosur. Gjatë kontrollit fizik të riut i gjetën një armë zjarri tip pistoletë. 

Njoftimi i Policisë: 

Kontrolle intensive, bazuar në inteligjencën policore, vijojnë të kryhen në kuadër të operacionit "Sundimi i ligjit", për identifikimin dhe arrestimin e shtetasve që mbajnë armë, pa leje.

Me pistoletë me vete, në rrugët e qytetit të Durrësit, arrestohet në flagrancë 17-vjeçari.

Sekuestrohet arma e zjarrit.

Si rezultat i administrimit të informacioneve të siguruara nga inteligjenca policore, se një shtetas lëvizte i pajisur me armë zjarri, në lagjen nr. 13, shërbimet e Stacionit të Policisë Plazh ndërhynë menjëherë, në kuadër të operacionit "Sundimi i ligjit", për kapjen e këtij shtetasi.

Shërbimet e Policisë kapën në flagrancë dhe vunë në pranga shtetasin K. Gj., 17 vjeç, banues në Durrës. Nga kontrolli fizik, 17-vjeçarit iu gjet dhe iu sekuestrua në cilësinë e provës materiale, një armë zjarri pistoletë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale “Mbajtja pa leje dhe prodhimi i armëve, armëve shpërthyese dhe i municionit”./CNA

 

 





Lajmet e fundit nga