web counter
LEXO PA REKLAMA!

SHKARKO APP

App Store
Google Play

E fundit!

x

Hoxha zbardh detaje nga arrestimi/ Dritan Rexhepi ishte me bashkëshorten dhe dy fëmijët e mitur

13 Nëntor 2023, 22:54, Kronika CNA
Hoxha zbardh detaje nga arrestimi/ Dritan Rexhepi ishte me bashkëshorten
Gazetari Artan Hoxha

Gazetari Artan Hoxha ka dhënë detaje nga arrestimi i Dritan, alias Gramoz Rexhepit, i cili u vu në pranga nga autoritetet turke pasi ishte me alarm të kuq nga Interpoli.

Hoxha tha në emisionin “Opinion” se operacioni i forcave speciale është zhvilluar në mbrëmje.

Sipas tij, Rexhepi ka qenë në banesë me bashkëshorten e tij ekuadoriane dhe me dy fëmijët e mitur.

Ai deklaroi se “bossi” shqiptar i kartelit të drogës nuk ka bërë rezistencë pikërisht për shkak të prezencës së bashkëshortes dhe fëmijëve.

“Ai është arrestuar të mërkurën në darkë, në datën 8. Operacioni është bërë në mbrëmje, është mbajtur në heshtje atë natë. Janë arrestuar 22 persona dhe më i rëndësishmi, fakti që iu kushtua vëmendje më e madhe ka qenë Gramoz Rexhepi.

Forcat që u dërguan janë forcat speciale. Në banesë ka qenë bashkëshortja e tij ekuadoriane, dy fëmijët e tij të mitur, se ka dy fëmijë të vegjël, është i martuar. Madje në pamje janë kujdesur.

Ai sigurisht nuk ka bërë tentativë për t’u larguar se ka pasur gruan dhe fëmijët aty. Operacioni është bërë me informacion, është dhënë adresa e saktë e tij. Me pasaportën me emrin Benjamin që është kapur rezulton se ai ka hyrë në shtator në Turiqi, por ai ka qëndruar 9 muaj në Turqi që ka ardhur nga Amerika Latine”, theksoi gazetari./ CNA





Lajmet e fundit nga