web counter
LEXO PA REKLAMA!

SHKARKO APP

App Store
Google Play

E fundit!

x

Gjendet i pajetë emigranti i paligjshëm në kufirin shqiptar

12 Nëntor 2023, 08:10, Kronika CNA
Gjendet i pajetë emigranti i paligjshëm në kufirin shqiptar
Foto ilustruese

Një emigrant i paligjshëm është gjetur i pajetë në kufi me Greqinë.

Burime bëjnë me dije se emigranti i kombësisë siriane, është gjetur gjatë patrullimeve të policisë dhe Frontex, në fshatin Trestenik të Devollit, afër me kufirin grek.

Sipas të dhënave, ai nuk ka shenja dhune në trup dhe dyshohet se ka ndërruar jetë nga temperaturat e ulëta.

Viktima dyshohet t’i përkasë moshës 40-45 vjeç, ndërsa po kryhen veprimet e mëtejshme për identifikimin e tij, si edhe përcaktimin e shkakut të humbjes së jetës nga ekspertiza mjeko-ligjore.

"Më datë 12.11.2023, rreth orës 07:10, në pyllin e fshatit Trestenik, Devoll, është gjetur pa shenja jete nga banorët e zonës, një shtetas ende i paidentifikuar, rreth 40 vjeç, i cili nga të dhënat e para dyshohet se mund të jetë emigrant i paligjshëm.  

Nga këqyrja paraprake e trupit të tij, nuk janë konstatuar shenja dhune dhe dyshohet se vdekja mund të jetë shkaktuar për shkaqe natyrale.

Trupi i pajetë do të dërgohet drejt morgut, ku pritet përgjigjja e ekspertizës mjekoligjore për të përcaktuar shkakun e vdekjes.

Grupi hetimor, po punon për identifikimin e viktimës si dhe për zbardhjen e rrethanave të ngjarjes", thuhet ne njoftimin e policisë./ CNA





Lajmet e fundit nga