web counter
LEXO PA REKLAMA!

SHKARKO APP

App Store
Google Play

Skandali i ministres/ Ibrahimaj përdor fenelinat e policisë për të shmangur trafikun

10 Nëntor 2023, 13:47, Kronika CNA
Skandali i ministres/ Ibrahimaj përdor fenelinat e policisë për
Ministrja e Shtetit për Sipërmarrjen dhe Klimën e Biznesit, Delina Ibrahimaj

Ministrja e Shtetit për Sipërmarrjen dhe Klimën e Biznesit, Delina Ibrahimaj, është kapur duke shkelur rregullat e qarkullimit rrugor.

Ibrahimaj, për të shmangur trafikun e Tiranës, “përdorte fenelinat e policisë në mënyrë të paligjshme”. 

Makina e saj tip “Benz”, ngjyrë e bardhë, është kapur me kamera në momentin e shkeljes, ndërsa në timon ka qenë shoferi i ministres.

Policia e Shtetit ka gjobitur ministren me 40 mijë lekë. Policia thekson me anë të një njoftimi për mediat se nuk do të tolerojë askënd që përdor fenelinat dhe simbolet e policisë në mënyrë të paautorizuar.

Skandali i ministres/ Ibrahimaj përdor fenelinat e policisë për

“Njoftim i Rëndësishëm! Sot kemi ndërmarrë masa të rrepta ndaj disa mjeteve që shkelin rregullat e qarkullimit rrugor. Në mesin e tyre janë edhe automjete të punonjësve të administratës shtetërore me imunitet.

Në videon tonë, mund të shihni se si këto mjete, përfshirë ato që përdorin fenelinat e policisë në mënyrë të paligjshme, janë trajtuar sipas ligjit. Kjo veprimtari është pjesë e angazhimit tonë për të siguruar një mjedis të sigurt rrugor për të gjithë. Nuk ka përjashtime kur bëhet fjalë për sigurinë rrugore!”, thuhet në njoftimin e policisë./ CNA





Lajmet e fundit nga