web counter
LEXO PA REKLAMA!

SHKARKO APP

App Store
Google Play

E fundit!

x

Nuk kryen hetimet e plota për dhunën ndaj 3-vjeçares/ Nën hetim zyrtari i policisë dhe vartësi i tij

9 Nëntor 2023, 14:53, Kronika CNA

Nuk kryen hetimet e plota për dhunën ndaj 3-vjeçares/ Nën

Dy punonjës policie janë vënë nën hetim pas denoncimit të rastit të dhunës në kopshtin privat “Stinët”, ku edukatorja i theu këmbën vajzës 3-vjeçare.

Agjencia e Mbikëqyrjes Policore të Tiranës njofton se janë proceuar shefi i Krimeve me iniciale Y. Ç. Dhe vartësi i tij B. R.

Ata akuzohen se nuk kanë kryer veprime të plota hetimore për vënien para përgjegjësisë ligjore të edukatores që dhunoi të miturën në datën 1 nëntor.

“Në vijim të verifikimit për veprimet apo mosveprimet e punonjësve të Policisë së Shtetit, lidhur me hetimet për rastin e të miturës tek Kopështi 'Stinët' në Tiranë, Drejtoria Rajonale e Agjencisë së Mbikëqyrjes Policore Tiranë (AMP) ka referuar për vlerësim në Prokurorinë Pranë Gjykatës së Shkallës së Parë të Juridiksionit të Përgjithshëm Tiranë, materialet procedurale në ngarkim të dy punonjësve të Komisariatit Nr. 1, për "Shpërdorim detyre".

Të proceduar janë oficerët:

- Nënkomisar Y. Ç., me detyrë Shef Seksioni për Hetimin e Krimeve;

- Nënkomisar B.R., specialist për Hetimin e Krimeve, në këtë Komisariat.

Nga tërësia e veprimeve hetimore të kryera pas denoncimit në Polici dhe publikimit në emisionin investigativ “Stop”, ka dyshime se punonjësit e Policisë nuk kanë kryer veprime të plota hetimore për vënien para përgjegjësisë ligjore të personave që kanë kryer keqtrajtimin e të miturës në ambientet e kopshtit “Stinët” në datë 1 nëntor.

Ndërkohë me urdhër të Drejtorit të Përgjithshëm të Policisë së Shtetit janë pezulluar nga detyra dhe ka nisur hetim administrativ nga Drejtoria e Standardeve Profesionale për 3 oficerë policie”, thuhet në njoftimin e AMP-së./ CNA





Lajmet e fundit nga